Créditos ECTS Créditos ECTS: 6
Horas ECTS Criterios/Memorias Horas de Titorías: 3 Clase Expositiva: 27 Clase Interactiva: 21 Total: 51
Linguas de uso Castelán, Galego
Tipo: Materia Ordinaria Grao RD 1393/2007 - 822/2021
Departamentos: Bioquímica e Bioloxía Molecular
Áreas: Bioquímica e Bioloxía Molecular
Centro Facultade de Bioloxía
Convocatoria: Segundo semestre
Docencia: Con docencia
Matrícula: Matriculable
O obxectivo principal desta materia é que os alumnos teñan unha visión actual e global sobre o funcionamento do sistema inmunitario e que coñezan as nocións fundamentais da resposta inmunitaria, as células e moléculas que compoñen o sistema inmunitario e os mecanismos de comunicación e cooperación existentes entre os diferentes tipos celulares. Para iso fíxanse uns obxectivos específicos:
-Enumerar as células e tecidos do sistema inmune.
-Identificar as bases da resposta inmune e a súa regulación.
-Diferenciar entre as causas das patoloxías inmunes.
-Enumerar os principais métodos que utilizan anticorpos para a detección e cuantificación de biomoléculas e interpretar os resultados de inmunoensayos.
-Identificar as aplicacións da inmunobiotecnología.
-Realizar valoracións da resposta inmunitaria específica e non específica.
Clases Expositivas. Bloques temáticos
1- Propiedades e xeneralidades das respostas inmunitarias: Introdución á Inmunología. A resposta inmunitaria. Tecidos e células do sistema inmune.
2- Moléculas e células que interaccionan co Antígeno: Inmunoglobulinas. Histocompatibilidad. Procesamento do antígeno. Receptor de linfocitos T.
3- Resposta inmune innata: Receptores, compoñentes. Resposta inflamatoria.
4- Resposta inmune adaptativa e mecanismos efectores: Maduración e activación de linfocitos T e B; produción de anticorpos. Mecanismos efectores das respostas inmunitarias: citoquinas e os seus receptores
5- Inmunidade fronte a infeccións: Inmunidade fronte axentes infecciosos: virus, bacterias e parasitos.
6- Ferramentas Inmunológicas: Técnicas de laboratorio, alteracións e avaliación da inmunidade.
O desenvolvemento dos bloques temáticos será de aproximadamente 3 horas para os bloques 1 e 5, de 4 horas para o bloque 3, e de 5 horas para os bloques 2 e 6 e 7 horas para o bloque 4.
Laboratorio.
Os experimentos que se propoñen son conceptualmente correlativos aos temas teóricos da materia. Segundo as horas establecidas para a materia, o alumnado deberá realizar unha serie de ensaios experimentais e/ou ferramentas informáticas, recoller os resultados obtidos e analizalos adecuadamente para dar resposta ás preguntas e exercicios expostos no guion de prácticas.
-Recoñecemento das células compoñentes do sistema inmune. Determinación da viabilidade celular.
-Métodos de laboratorio que utilizan anticorpos (ELISA).
-Determinación e estudo de subpoblaciones linfocitarias por Citometría de Fluxo.
-Electroforese de proteínas plasmáticas.
Seminarios.
Segundo As horas establecidas para a materia, constará de 3 de seminarios cun total de 7 horas. Os obxectivos son aplicar e reforzar mediante cuestións, casos prácticos e/ou clínicos, os coñecementos desenvolvidos nas clases expositivas. Tendo como finalidade o coñecemento dos métodos para estudar respostas de linfocitos T e B, a manipulación da resposta inmunitaria e o desenvolvemento da inmunobiotecnoloxía.
Titorías
Segundo as horas establecidas para a materia, realizaranse as titorías orientas á resolución das dúbidas particulares xeradas nas clases expositivas e interactivas. O obxectivo é o de clarificar os conceptos básicos que rexen o funcionamento do sistema inmune e a súa aplicación en casos patolóxicos e/ou a súa terapia.
Examen duración aproximada 2h.
Bibliografía básica:
- Abul K. Abbas, Andrew H. Lichtman, Shiv Pillai, 2022, Inmunología celular y molecular, 10ª ed.,Barcelona:Elsevier, cop. 2022.
- Jenni Punt, Sharon A. Stranford ; Edición 2020, Kuby inmunología 8ª ed. McGraw Hill Interamericana.
- Abbas, A.K., Lichtman, A.H. y Pillai, S., 2012. Inmunología celular y Molecular. [Recurso electrónico]. ed. Barcelona: Elsevier. Acceso restrinxido a usuarios USC <https://www.dawsonera.com/terms/show?dest=https%3A%2F%2Fwww.dawsonera.c…>.
- Abbas, Abul K. Andrew H. Lichtman, Shiv Pillai, 2020, Inmunología básica : funciones y trastornos del sistema inmunitario, 6ª ed. Barcelona : Elsevier, cop.
- Regueiro González, J.R. et al., 2022. Inmunología: biología y patología del sistema inmunitario. 5ª Edición, Madrid: Editorial Médica Panamericana.
Bibliografía complementaria:
- K. Murphy, C. Weaver Inmunobiology Janeway, 9ª edición 2017, Garlan science.
- Delves, P.J. et al., 2014, Inmunología: fundamentos., ed. Buenos Aires: Editorial Médica Panamericana.
- Leonardo Fainboim, Jorge Geffner 2011, Introducción a la inmunología humana, Edición 6ª ed., Buenos Aires : Panamericana, cop.
Coñecementos/contidos: Con01, Con02, Con05
Habilidades/destrezas: H/D01, H/D02, H/D03, H/D04, H/D09, H/D11, H/D12
Competencias: Comp01, Comp02, Comp03, Comp04, Comp05
Clases expositivas, nas que se explicarán os conceptos propios da materia, con apoio de medios audiovisuais e informáticos. Desenvolveranse de forma presencial na aula atendendo en directo a todas as dúbidas e aclaracións expostas polos alumnos. O material de axuda elaborado para facilitar o seguimento e comprensión dos temas (que é un resumo dos temas explicados) fornéceselles no campus virtual da USC correspondente á materia.
Nas clases interactivas de seminario proporanse e resolverán aplicacións da teoría, faranse exercicios, problemas, simulacións de casos clínicos, etc. Requírese unha participación activa do alumnado. Está programado fornecerlles información e material complementario (vídeos, direccións Web, etc) que lles permita unha comprensión mellor da materia.
Clases prácticas de laboratorio, nas que o alumnado, seguindo os protocolos preparados para ese efecto, manexará os equipos apropiados e resolverá cuestións prácticas e/ou aplicadas.
Tutorías orientan a aclarar dúbidas particulares, fornecer información ou orientar ao alumnado, así como para coñecer o progreso na adquisición de coñecementos.
As actividades: clases expositivas, Seminarios e prácticas de Laboratorio son actividades non obrigatorias avaliables. E a Proba Final é unha actividade obrigatoria avaliable complementaria á avaliación continua.
1."A avaliación da materia será igual para repetidores e non repetidores, non gardándose notas de anos anteriores. Ademais, a avaliación será sempre igual nas dúas oportunidades e consistirá nas seguintes cualificacións das partes en que se divide a materia:
1.1) Avaliación continua (20% da cualificación final), que á súa vez se compón de:
-Seminarios (10% da cualificación final). ACTIVIDADE NON OBRIGATORIA AVALIABLE.
-Prácticas de Laboratorio (10% da cualificación final). ACTIVIDADE NON OBRIGATORIA AVALIABLE. As ausencias non xustificadas supoñerán unha cualificación de NON APTO. O control de asistencia ás actividades presenciais realizarase mediante chamada por lista.
1.2) Proba Final (80% da cualificación final). ACTIVIDADE OBRIGATORIA AVALIABLE COMPLEMENTARIA Á AVALIACIÓN CONTINUA. levará a cabo de forma presencial e consistirá nun exame con preguntas tipo test, cuestións e exercicios, relacionados cos contidos teórico-prácticos da materia.
Avaliación dos resultados da aprendizaxe:
-Exame: Con01, Con02, Con05.
-Traballos/exercicios seminarios: H/D01, H/D02, H/D03, H/D04, H/D09, H/D11.
-Prácticas: Con05, H/D12, Comp01, Comp02, Comp03, Comp04, Com05
Con carácter xeral a media de horas de traballo para esta materia é de 150, das cales 50 horas corresponden a asistencia a clases teóricas (27h), 14 horas de clases interactivas de laboratorio, 7 horas de clases interactivas de seminario e 2 horas de titoría en grupos reducidos e as non presenciais 96 horas de dedicación en estudo individual para a preparación da materia.
Utilización da bibliografía recomendada, así como do material gráfico proporcionado polo profesor, imprescindible para a comprensión da materia.
Lectura e reflexión frecuente sobre a materia impartida, necesarias para a integración dos coñecementos neste campo da ciencia.
Interese e atención sobre os novos avances nesta disciplina difundidos a través dos medios de comunicación, para a súa incorporación e discusión nas clases e seminarios.
A materia dispoñerá dunha aula virtual na plataforma Moodle. A comunicación cos alumnos farase a través do correo electrónico, da plataforma Moodle e/ou a través da aplicación MS- teams.
“Para os casos de realización fraudulenta de exercicios ou probas será de aplicación o recolleito na normativa de avaliación do rendemento académico dos estudantes e de revisión de cualificacións". Esta sinala que a realización fraudulenta dalgún exercicio ou proba esixida na avaliación implicará a cualificación de suspenso na convocatoria correspondente, con independencia do proceso disciplinario que se poida seguir contra o alumno infractor. Considerarse fraudulenta, entre outras, a realización de traballos plagiados (por exemplo, dos compañeiros de curso ou de curso previos) ou obtidos de fontes accesibles ao público sen reelaboración ou reinterpretación e sen citas aos autores e das fontes. Tamén queda terminantemente prohibido a distribución por distintos medios (por exemplo, páxinas web) e sen consentimento do profesor, de calquera material docente colgado na aula virtual.
Ma Del Pilar Arias Crespo
Coordinador/a- Departamento
- Bioquímica e Bioloxía Molecular
- Área
- Bioquímica e Bioloxía Molecular
- Teléfono
- 881816933
- Correo electrónico
- pilar.arias [at] usc.es
- Categoría
- Profesor/a: Titular de Universidade
| Martes | |||
|---|---|---|---|
| 16:00-17:00 | Grupo /CLE_01 | Castelán | Aula 08. Louis Pasteur |
| Mércores | |||
| 16:00-17:00 | Grupo /CLE_01 | Castelán | Aula 08. Louis Pasteur |
| 30.05.2025 16:00-20:00 | Grupo /CLE_01 | Aula 04: James Watson e Francis Crick |
| 14.07.2025 16:00-20:00 | Grupo /CLE_01 | Aula 03. Carl Linneo |