Metodoloxía Flipped Classroom na educación superior

O propósito deste curso é coñecer o modelo Flipped Classroom, clase invertida, analizando a súa posible aplicabilidade na educación superior, as vantaxes do seu desenvolvemento e os problemas ou inconvenientes que podemos atopar ao poñelo en práctica, detallando, á súa vez, algúns estudos que abordan a súa eficacia. Faremos un percorrido por diferentes ferramentas e recursos dispoñibles para empregar, centrándono s nalgunhas delas, que requirirán a creación de contido didáctico invertido por parte dos participantes. Polo tanto, é un enfoque eminentemente práctico que proporciona aos estudantes coñecementos, recursos e ferramentas para poñer en práctica este modelo, no contexto da súa propia aula.