Biblioteca Intercentros de Lugo
A Biblioteca Intercentros de Lugo organiza unha visita comentada aos fondos da súa colección de Xénero encadrada nas actividades polo Día Internacional da Muller Traballadora.
En conmemoración do Día da Muller Traballadora, o persoal da Biblioteca Intercentros convida a todas as persoas interesadas a coñecer os fondos da súa colección de Xénero. O punto de encontro será a entrada da biblioteca ás 11.00 horas.
A continuación da visita guiada, ás 12.00h no Salón de Graos de Humanidades impartirase a charla "Páxinas rebeldes: o poder das librarías feministas e a voz das mulleres" por parte das responsables da libraría "Lila de Lilith" sobre a posta en marcha e xestión dunha libraría feminista.
Esta actividade está organizada pola Facultade de Humanidades coa colaboración da Facultade de Administración e Dirección de Empresas, a Facultade de Ciencias, a Facultade de Formación do Profesorado e a Facultade de Veterinaria.