A Biblioteca de Ciencias Económicas e Empresariais expón nunha mostra bibliográfica algunhas obras de temática económica publicadas por mulleres senlleiras neste eido.
En conmemoración do Día da Muller de 2025, a Biblioteca de Ciencias Económicas e Empresariais presenta a mostra bibliográfica "Economía con nome de muller : escolma para o 8 de marzo". Nela expóñense algunhas das obras máis destacadas de mulleres pensadoras no campo da economía. As obras expostas dan pe a que as persoas que se acheguen a visitar a mostra poidan resolver un pequeno encrucillado, tanto en liña como en papel. Entre as persoas que descubran a palabra oculta no encrucillado e a envíen a un formulario web, a biblioteca sorteará o vindeiro día 17 de marzo un pequeno agasallo.
A mostra poderá visitarse ata o vindeiro 14 de marzo.