Como complemento do ciclo de Cine Filosófico organizado pola facultade de Filosofía, a biblioteca organiza unha mostra bibliográfica sobre cine e filosofía que permanecerá dende o luns 24 de marzo ata o 15 de abril de 2025.
A Biblioteca de Filosofía en colaboración co decanato da facultade presenta unha mostra bibliográfica sobre o encontro entre o cine e a filosofía dende distintos puntos de vista: a mirada do filósofo en torno ao cine, exemplificado en Giles Deleuze, o achegamento ao pensamento filosófico dende as tramas ou as ficcións que tenden pontes entre as imaxes e o pensamento. O cine convértese nunha ferramenta ideal para a ensinanza da Filosofía na aula.
A mostra está organizada pola Biblioteca de Filosofía en colaboración co decanato da facultade.