A Biblioteca da Facultade de Formación de Profesorado en Lugo organiza "Pon as gafas lilas para ler!", onde se presentan unha escolma de títulos que comprenden feminismo, diversidade e igualdade e identidade ou monografías sobre mulleres senlleiras sen perder de vista o adxectivo "traballadora" como parte da reivindicación do 8 de marzo.
Os fondos levan cadanseu unha pequena tarxeta co logo da exposición (gafas lila) cunha mínima curación de contidos aludindo ao argumento, o valor do libro escollido ou relación con outros. Incorporamos tamén un código QR onde se pode descargar a listaxe de toda a nosa signatura MULL. e a incorporación dun puntiño lila en todos os fondos sobre feminismo e mulleres. O obxectivo da mostra é que tento alumnado como PDI poidan coñecer mellor os fondos que xa ten a biblioteca da Facultade, polo que non están excluídos de préstamo.
