Apertura das bibliotecas da BUSC en horario de verán a partir do 1 de xuño
O vindeiro xoves as bibliotecas comezarán a abrir as súas portas en horario de verán, o que non afectará a aquelas bibliotecas que teñen horarios extraordinarios co gallo dos exames do segundo semestre e segunda oportunidade.
Lugo,
Santiago de Compostela
O xoves 1 de xuño iniciarase o período de apertura das bibliotecas da USC en horario de verán, que será de mañá e tarde os meses de xuño e xullo. Se necesitas consultar as modificacións nos horarios de cada biblioteca podes facelo a través da web da BUSC, e da páxina da biblioteca que dá servizo ao teu centro.
Os horarios extraordinarios non se verán afectados por esta modificación, é dicir, as bibliotecas Concepción Arenal, Intercentros de Lugo, a biblioteca da Facultade de Ciencias Económicas e Empresariais, xunto coa sala de lectura de Dereito seguen mantendo os horarios estendidos.
Podes consultar os horarios extraordinarios neste enlace.