As bibliotecas abrirán no seu horario habitual a partir do 1 de setembro
Finaliza tamén o préstamo de verán para o alumnado de grao e máster.
O venres 1 de setembro as bibliotecas da USC retomarán os seus horarios habituais de apertura durante o curso académico. Para consultar os horarios específicos de cada biblioteca podes facelo a través da páxina web da BUSC, e da páxina da biblioteca que dá servizo ao teu centro.
Finaliza tamén o préstamo especial de verán para o alumnado de grao e máster. Lembrámosvos que tedes ata o día 11 de setembro para devolver os materiais levados en préstamo.