Ciclo de formación online de Web of Science
Xa está aberto o prazo de inscrición para as tres sesións de formación que terán lugar no mes de abril.
A FECYT e Clarivate organizan o I Ciclo de Formación Online da base de datos Web of Science, co obxectivo de dar a coñecer as actualizacións, cambios e novidades desta base de datos. Esta formación, impartida durante o primeiro semestre do ano, está dirixida tanto a estudantes como a investigadores.
Para participar nas sesións é imprescindible rexistrarse co correo electrónico institucional, xa que as inscricións realizadas con emails comerciais serán rexeitadas.
Xa está aberto o prazo de inscrición para as sesións de abril, que serán as seguintes:
- Martes, 2 de abril de 14:00-15:00h.
Buscar e analizar as publicacións dunha autora ou autor en Web of Science (nivel avanzado).
- Mércores, 3 de abril de 14:00-15:00h.
Buscar o perfil dunha investigadora ou investigador en Web of Science (nivel avanzado).
- Xoves, 4 de abril de 14:00-15:00h.
Xestionar o meu perfil de investigador en Web of Science (nivel avanzado).
Apúntate aos webinars picando neste enlace.
Podes atopar máis información sobre o ciclo de formación online de Web of Science nesta páxina da FECYT.