Novo recurso electrónico dispoñible en proba: CAS BioFinder Discovery Platform

Podes acceder ao novo recurso a través de ReBUSCa

Dende o 15 de outubro ata o 31 de decembro de 2025, a comunidade universitaria poderá acceder a CAS BioFinder Discovery Platform, plataforma de investigación de CAS para química medicinal, descubrimento de fármacos, farmacoloxía e bioinformática.

Luns, 13 de outubro de 2025

A BUSC conta cun novo recurso electrónico dispoñible en proba do 15 de outubro ata o vindeiro 31 de decembro: CAS BioFinder Discovery Platform. Esta plataforma reúne os datos e solucións necesarios nos fluxos de traballo e descubrimento de fármacos, incluíndo a bioloxía do descubrimento e a química medicinal.

O acceso realizarase directamente desde SciFinder, onde aparecerá periodicamente unha mensaxe de convite cun enlace de rexistro e instrucións para acceder a CAS BioFinder.

Este recurso está deseñado para respaldar o traballo de descubrimento de fármacos, proporcionándolles aos biólogos e aos químicos os datos e ferramentas que necesitan para facer recomendacións máis rápidas e seguras. Permite traballar con datos farmacéuticos integrados en tecnoloxía predictiva mellorada con IA e visualizacións analíticas.

Podes acceder co teu usuario e contrasinal a través de ReBUSCa.