As e os instrumentistas seleccionados poderán participar no grupo residente que ensaiará todos os martes lectivos do curso 2025-26 (agás nos periodos de exames) de 21:30h a 23:30h na facultade de Ciencias da Comunicación, ademais dos ensaios extraordinarios que poidan programarse entre os meses de setembro e xullo do curso académico 25-26.
Esta convocatoria está dirixida a participar na OUSC nos seguintes instrumentos:
- Violín
- Viola
- Violonchelo
- Contrabaixo
- Frauta
- Óboe
- Clarinete
- Fagot
- Trompa
- Trombón
- Trombón baixo
- Tuba
- Percusión
- Piano
- Cravo
- Arpa
As persoas que participaron no Encontro de Verán 2025 da OCUSC e desexen formar parte da Orquestra ou do Coro no curso 2025-26 poderán facelo de maneira directa, sen necesidade de realizar audicións, unicamente cubrindo o formulario de inscrición dentro do prazo establecido.
A través desta convocatoria seleccionarase os membros activos e os reservas. Os reservas conformarán unha listaxe co fin de cubrir posibles e futuras baixas dentro da OUSC, sendo efectiva ata xuño de 2026. As vacantes parciais están destinadas a cubrir necesidades instrumentais segundo programa, pero non posuirán carácter de activo.
Quen pode participar?*
- Todos aqueles membros da Comunidade Universitaria da USC (estudantado, profesorado e PAS) que toquen un instrumento dos anteriormente mencionados.
- Estudantes de música.
- Calquera persoa que toque un instrumento a partir dos 13 anos sen límite de Idade.
* A admisión quedará supeditada á superación da audición prevista para tal efecto, tendo preferencia os membros da Comunidade Universitaria da USC. O estudantado da USC terá caracter preferente.
Como podo participar?
Para participar no proxecto orquestral no curso 2025-26 realizarase unha selección entre as persoas aspirantes a través do envío dun vídeo por calquera canle tipo WeTransfer, YouTube, Dropbox, etc. ao enderezo electrónico orquestra.universidade [at] usc.es (orquestra[dot]universidade[at]usc[dot]es) indicando o nome e apelidos da persoa solicitante.
Estas audicións están destinadas a coñecer, seleccionar e valorar a participación dos aspirantes dentro dos programas que a OUSC realizará entre setembro e xullo do curso 2025-26, así como programas asociados que poidan xurdir.
Permanencia. Isto é para sempre?
Poderase participar no OUSC un máximo de 3 cursos. Para os estudantes de Grao da USC, os créditos ECTS que se retribúen pola participación repartiranse 4 créditos por cada curso académico participado no que non se incorran faltas contempladas no regulamento da OCUSC.
Poderase prorrogar a pertenza ao proxecto en seguintes convocatorias, a criterio da organización da OCUSC pero sen retribución de créditos.
Nos seguintes anos se non se cubren completamente todas as prazas as persoas xa integrantes da OCUSC poden permanecer en seguintes convocatorias, e con preferencia para aqueles que menos anos participaron.
Estas audicións están destinadas a coñecer, seleccionar e valorar a participación das persoas aspirantes dentro dos programas que a OCUSC realizará entre setembro e xullo do curso 2025-26, así como programas asociados que poidan xurdir.
Que teño que enviar no vídeo?
- Interpretar 2 obras ou movementos de libre elección (non ten que ser con acompañamento)
- Para percusión interpretaranse polo menos tres obras a escoller de entre todas as que figuran neste PDF.
Ata cando o podo enviar?
- A data límite de envío de vídeos será o 7 de setembro de 2025, ata as 23:59 horas.
- A comisión seleccionadora, que contará coa participación do director da orquestra e do profesorado colaborador da OUSC, visualizará os vídeos a seguinte semana e publicaranse de seguido os resultados.
- Os ensaios darán comezo a partir da primeira semana de outubro de 2025 baixo as indicacións da organización que serán convenientemente informadas con anterioridade.
Prazas vacantes no curso 2025-26:
- Violín:17
- Viola: 8
- Violonchelo: 6
- Contrabaixo: 3
- Frauta: 1 (+2 reservas)
- Óboe: (+2 reservas)
- Clarinete: (+2 reservas)
- Fagot: 2 (+2 reservas)
- Trompa: 2 (Como III e IV) (+2 reservas)
- Trompeta: 1 (+2 reservas)
- Trombón: 2 (+2 reservas)
- Trombón Baixo: 1
- Percusión: 2 (+2 reservas)
- Tuba: 1*
- Arpa: 1*
- Piano: 1*
- Cravo: 1*
* Prazas parciais que se cubrirán segundo necesidades de programa
E ademais….
Requisitos das e dos instrumentistas de corda:
- Afinar o instrumento
- Cambiar de posición
- Tocar con spicatto
Requisitos das e dos instrumentistas de vento:
- Boa afinación na interpretación
- Coñecer as diferentes articulacións básicas: (legato, picado, dobre picado, etc.)
- Tocar na amplitude da tesitura do instrumento
Percusión:
- Tocar pasaxes previamente escollidas
Como me inscribo para facer as audicións?
1. Cubro o formulario de inscrición.
2. Envío o vídeo a orquestra.universidade [at] usc.es (orquestra[dot]universidade[at]usc[dot]es) antes das 23:59 horas do 7 de setembro de 2025.
E cando saberei se estou admitida ou admitido?
A OUSC reservase o criterio e decisión final das persoas admitidas e anunciará o resultado nunha listaxe que se publicará na páxina web da USC acompañada dunha confirmación vía correo electrónico durante o tempo seguinte á realización das probas.
Boa Sorte e animádevos a facer música xuntas e xuntos!
"Sen música a vida sería un erro."
Friedrich Nietzsche (1844-1900) Filósofo alemán.
Prazas Ofertadas:
- Violín: 17
- Viola: 8
- Violonchelo: 6
- Contrabaixo: 3
- Frauta: 1 (+2 reservas)
- Óboe: (+2 reservas)
- Clarinete: (+2 reservas)
- Fagot: 2 (+2 reservas)
- Trompa: 2 (Como III e IV) (+2 reservas)
- Trompeta: 1 (+2 reservas)
- Trombón: 2 (+2 reservas)
- Trombón Baixo: 1
- Percusión: 2 (+2 reservas)
- Tuba: 1*
- Arpa: 1*
- Piano: 1*
- Cravo: 1*
* Prazas parciais que se cubrirán segundo necesidades de programa
Resultados persoas inscritas:
| Inscrita/o | Instrumento | Resultado* | Observacións |
| ***245**7 | Clarinete | Non admitida/o | Non presenta vídeo |
| ***452**X | Clarinete | 1ª reserva | |
| ***512**Q | Clarinete | 2ª reserva | |
| ***957**M | Frauta | 1ª reserva | |
| ***913**Y | Frauta | Admitida/o | |
| ***261**R | Percusión | Admitida/o | |
| ***835**G | Percusión | Admitida/o | |
| ***786**N | Piano | Admitida/o | |
| ***048**Z | Trompa | Admitida/o | |
| ***768**E | Violín | Admitida/o | |
| ***900**N | Violín | Non admitida/o | Non presenta vídeo |
| ***339**W | Violín | Non admitida/o | Non presenta vídeo |
| ***757**N | Violín | Non admitida/o | Non presenta vídeo |
| ***101**D | Violín | Admitida/o | |
| ***195**N | Violín | Admitida/o | |
| ***819**D | Violín | Admitida/o | |
| ***116**J | Violín | Admitida/o | |
| ***811**S | Violín | Admitida/o | |
| ***787**J | Violín | Admitida/o | |
| ***541**T | Violín | Admitida/o | |
| ***173**L | Violín | Admitida/o | |
| ***354**P | Violín | Admitida/o | |
| ***927**R | Violín | Non admitida/o | Non presenta vídeo |
| ***952**R | Violín | Admitida/o | |
| ***0161**1 | Violoncello | Non admitida/o | Non presenta vídeo |
| ***968**Y | Violoncello | Admitida/o |
*Son aspirantes declarada/os en lista de agarda aquela/es de a pesar de ser positiva a candidatura non conseguen praza segundo as vacantes ofertadas, polo que quedarán inscrita/os nunha lista de agarda durante todo o curso para ser chamada/os no caso de que as reservas declinen a súa participación se se dera esta casuística.
Inscrición permanente para prazas vacantes:
Aquelas prazas vacantes en convocatoria 1ª ordinaria cubriranse coas solicitudes de reincorporación de antigos membros. Se aínda así persisten prazas vacantes, poñeranse a nova disposición a través da convocatoria extraordinaria que estará aberta a partir do 15 de setembro de 2025, puidendo acceder através deste formulario.
- 2 violíns
- 8 violas
- 2 contrabaixos
- 1 trompa
- 1 trombón baixo
- tuba
- harpa
Máis información nesta ligazón.