O plasma de acoplamento indutivo é unha fonte de ionización a presión atmosférica onde a mostra que chega é atomizada e ionizada.
Os ións formados pasan ao espectrómetro de masas onde son separados segundo a súa relación carga/masa. Cada unha das masas que chega ao detector é analizada para determinar a súa abundancia na mostra.
Características:
- Permite a determinación multielemental da maioría dos elementos do sistema periódico.
- Permite a medida de relacións isotópicas.
- Permite o acoplamento de técnicas de separación como HPLC.
- Atínxense límites de detección dunhas poucas ppb-ppt para a maioría dos elementos.
As áreas de aplicación mais frecuentes son: medio ambiente, xeoloxía, edafoloxía, xeoquímica, petroquímica, metalurxia, arqueoloxía, biomedicina, ciencias forenses, alimentación e farmacia.
Na táboa móstranse os límites de detección típicos (DL), con e sen gas CRI, para algúns dos elementos que poden ser cuantificados mediante esta técnica:
| Non CRI* | con CRI, H2 no separador | ||
|---|---|---|---|
| Isótopos | DL (ng/L) | DL (ng/L) | BEC (ng/L) |
| 9Be | 3 | 0.5 | 1.1 |
| 23Na | 200 | 13 | 252 |
| 24Mg | 2 | 0.5 | 4.7 |
| 25Mg | 5 | 1 | 5.3 |
| 27Al | 2.0 | 0.8 | 7.9 |
| 39K | 500 | 43 | 328 |
| 40Ca | - | 3 | 23 |
| 44Ca | 500 | 7 | 81 |
| 49Ti | 3 | 1 | 3.2 |
| 51V | 3 | 0.2 | 1.7 |
| 52Cr | 8 | 0.6 | 13 |
| 53Cr | 3 | 1.5 | 23 |
| 55Mn | 2 | 0.4 | 10 |
| 56Fe | 4000 | 2 | 167 |
| 57Fe | 300 | 44 | 2146 |
| 59Co | 0.2 | 0.2 | 0.8 |
| 60Ni | 2 | 10 | 68 |
| 63Cu | 0.3 | 1 | 5.3 |
| 65Cu | 2 | 1 | 7.0 |
| 66Zn | 5 | 2 | 15 |
| 68Zn | 20 | 1 | 17 |
| 75As | 20 | 0.6 | 2.2 |
| 78Se | 400 | 2 | 26 |
| 80Se | - | 9 | 193 |
| 98Mo | 0.4 | 0.7 | 2.7 |
| 107Ag | 0.6 | 0.2 | 1.2 |
| 111Cd | 0.2 | 0.2 | 0.2 |
| 206, 7, 8Pb | 0.3 | 0.1 | 1.9 |
| 232Th | 0.04 | 0.08 | 0.9 |
| 238U | 0.06 | 0.01 | 0.07 |
As mostras deberán estar en disolución e convenientemente filtradas.
A cantidade de mostra necesaria para a análise dependerá do número de elementos que se desexe medir, pero por norma xeral son suficientes 10 mL.
No caso de mostras sólidas, nas que hai que realizar un ataque ácido, disponse de muíño, microondas e dixestor para a preparación das mostras.
Antes de enviar mostras, débese contactar co técnico de servizo para consultar a dispoñibilidade do aparello.
Unidade de Análise Instrumental
- Edificio de Apoio á Investigación (CACTUS) Lugo
- Campus Lugo s/n, 27002Lugo
- 982 822 816 (Responsable da Unidade)
- 982 822 818