LC-MS (Cromatografía de Líquidos)

• 1
• 2

Pechar

A cromatografía líquida  (Liquid Chromatography) é un método de separación baseado na distribución dos compoñentes dunha mestura entre dúas fases inmiscibles, unha fixa ou estacionaria e outra móbil. Na cromatografía líquida, a fase móbil é un líquido que flúe a través dunha columna que contén a fase estacionaria.

As técnicas de espectrometría de masas que se poden combinar coa cromatografía de líquidos son Electrospray (ESI) ou APCI (Ionización Química a Presión Atmosférica). Os analizadores acoplados son: triple cuadrupolo (baixa resolución), QTOF (alta resolución) e timsQTOF (alta resolución). Ademais algúns dos sistemas permite o acoplamento cun sistema de extracción en liña (sistema OLE). 

Tipos de análises que se poden realizar:

• Cualitativo: análise de coñecidos ou descoñecidos para a identificación de compostos a partir dunha lista de compostos coñecidos ou de procura en librería de espectros. A partir dos datos obtidos pódense realizar estudos estadísticos de metabolómica.
• Cuantitativo: determinación cuantitativa dun ou varios analitos de estrutura coñecida nunha mostra, empregando Electrospray (ESI) ou APCI como técnicas de ionización.

HPLC-DAD:

Técnica de análise de cromatografía líquida empregando un detector DAD (UV-VIS). O módulo de detección mide a absorción dun líquido que pasa a través da cela a unha determinada lonxitude de onda. Aplicable a mostras con cromóforos, dobres enlaces, grupos aromáticos ...  

Instrumentación: API4000 (Sciex), Impact II (Bruker), timsTOF (Bruker).