Coa investigadora Fabiana Piccinin
O grupo Novos Medios recibe o 5 de novembro a visita da investigadora Fabiana Piccinin, Bolsista Produtividade (CNPQ) da Universidade Federal de Santa Catarina (Brasil) e integrante do Grupo de Estudos sobre Narrativas Audiovisuais Jornalísticas (GENAJOR).
A profesora Piccinin compartirá as súas reflexións nun seminario sobre os enfoques contemporáneos na investigación das narrativas xornalísticas e as transformacións que introducen as plataformas dixitais, cunha mirada dende os estudos que desenvolven na súa institución.
O encontro será ás 17.00 horas na Sala de Doutoramento da Facultade de Ciencias da Comunicación. A inscrición está aberta a docentes, persoal investigador, estudantado e profesionais da Comunicación a través desta ligazón.