A Área Deportiva colabora na organización da proba de orientación do monte de Santo Alberto no concello de Ribeira
Será o Campionato Xunta de Galicia de Distancia Media na modalidade de Orientación a Pé e tamén constituirá a segunda proba puntuable para a Liga Transfronteiriza
A Área Deportiva da USC colaborou coa ADC Arnela na organización da proba de orientación que se desenvolverá este sábado 1 de xuño no monte de Santo Alberto, nas proximidades da localidade de Xarás do concello de Ribeira. Esta proba será o Campionato Xunta de Galicia de Distancia Media na modalidade de Orientación a Pé e tamén constituirá a segunda proba puntuable para a Liga Transfronteiriza.
Pola tarde, en Corrubedo, no mesmo concello, igualmente coa colaboración da USC, terá lugar unha proba na modalidade de sprint que así mesmo terá a consideración de Campionato Xunta de Galicia da modalidade.
