Comezan outros seis cursos da oferta formativa da USC para esta verán

O martes 17 dan comezo outros seis cursos da USC integrados na oferta da Universidade de Verán da institución, logo dos once inaugurados o luns 16. Durante o resto da semana aínda se iniciarán outras catro actividades formativas máis, tres o día 18 e unha o 19. Santiago de Compostela Ás 10.00 horas terá lugar no Salón de Actos da Facultade de Dereito de Santiago a inauguración do curso Cooperación policial e xudicial internacional: aspectos civís e penais, dirixido Raquel Castillejo Manzanares, catedrática de Dereito Procesual da USC, interveñen no acto a secretaria xeral da USC, Lourdes Noya; a fiscal de sala de Cooperación Penal Internacional Rosa Ana Morán Martínez; e a directora do curso. E ás 16.00 horas celebrarase no Salón de Graos da Facultade de Filosofía o acto inaugural do curso Seminario de biopolítica, dirixido por Óscar Rodríguez de Dios, quen será tamén o encargado de iniciar oficialmente a actividade. Lugo O Salón Rodríguez Mourelo da Facultade de Ciencias do Campus de Lugo será a sede do curso Seguridade viaria, que se inaugura o martes 17 ás 9.30 horas e que está dirixido polo catedrático de Química Física da USC José Vázquez Tato. Tamén ás 9.30 horas celebrarase o acto inaugural do curso Razas de cans autóctonas de Galicia, dirixido polo secretario do Ibader, Antonio Iglesias Becerra, e o veterinario da Xunta de Galicia Jesús Cantalapiedra Álvarez. Esta actividade desenvolverase no edificio Instituto de Biodiversidade Agraria e Desenvolvemento Rural (Ibader) do Campus de Lugo, e na inauguración participan o vicerreitor de Planificación e Coordinación do Campus de Lugo, Pedro García Herradón, e representantes da Consellería de Medio Rural, Deputación Provincial de Lugo e do Club Can de Palleiro. Lalín e Vilagarcía de Arousa O Auditorio Municipal de Lalín acolle o curso de verán Novas fronteiras na igualdade de oportunidades 2.0: educar na comunicación igualitaria, dirixido pola profesora da USC Mª José Méndez Lois e o técnico en Igualdade do Concello de Lalín, Celso Taboada Lorenzo. A actividade inaugúrase o martes 17 ás 9.30 horas nun acto que contará coa presenza da vicerreitora de Responsabilidade Social e Calidade, Benita Silva, e o alcalde do Concello de Lalín, José Crespo Iglesias. Está tamén prevista a presenza da secretaria xeral de Igualdade da Xunta de Galicia, Susana López Abella, e do director xeral da Fegamp, José Manuel Chapela Seijo. Ás 10.00 dará comezo na Sala de Conferencias do Auditorio Municipal de Vilagarcía de Arousa o curso Aspectos ecotoxicolóxicos das floracións de cianobacterias en augas continentais, dirixido por Fernando Cobo Gradín (director da Estación de Hidrobioloxía da USC ‘Encoro do Con’) e Francisco Menéndez Iglesias (presidente do Organismo Autónomo Augas de Galicia). No acto de inauguración intervirá, ademais dos directores do curso, o alcalde do Concello de Vilagarcía de Arousa, Tomás Fole Díaz. Cursos xa iniciados Entrementres, continúan os cursos que se iniciaron o luns 16: Educación e cultura marítima en Galicia (Ribeira); e O medio ambiente en Galicia. Unha visión multidisciplinar, Elaboración de traballos académicos e presentacións con látex, Fronteiras da fotónica e tecnoloxías láser, Química: a ciencia que envolve a nosa vida, Single cell analysis: new approaches in biomedical omics (todos eles en Santiago de Compostela). Na provincia de Lugo continúan as seguintes actividades: Produción agroecolóxica (Ribadeo), Alimentación e actividade física: a súa importancia no proceso de atención a persoas afectadas por cancro (Guitiriz), O desenvolvemento económico da zona centro-sur da provincia de Lugo: sectores forestal, agropecuario e de servizos (Sarria), Retos e oportunidades para as novas xeracións de profesionais veterinarios e Ferramentas para a formulación e avaliación de proxectos (estes dous últimos en Lugo cidade). Outras actividades para esta semana O mércores 18 darán comezo outros tres cursos: Seguridade alimentaria e nutrición: actualidade e novos enfoques (Lugo), A paisaxe nas ciencias, nas artes e nas letras (Guitiriz) e Arte e patrimonio na Mariña luguesa: un motor para o desenvolvemento comarcal (Ribadeo). Aínda nesta semana, o xoves 19 iníciase o curso Aprender en comunidade: estratexias educativas en tempos de crise económica e social (Santiago de Compostela).