Un estudante da USC proclamouse campión de España sub 23 de atletismo na proba de 5.000 metros

O atleta do Club Deportivo Universidade de Santiago e estudante da Diplomatura de Enfermaría na USC, Iván Iglesias Carballo, proclamouse campión de España sub 23 de atletismo na proba de 5.000 metros.
A vixésimo segunda edición desta competición celebrouse o pasado sábado 30 e domingo 1 en Ciudad Real, concretamente no Estadio Municipal Rey Juan Carlos, que conta cunhas instalacións dotadas dunha pista de atletismo recentemente remodelada para esta ocasión.