O profesor Urbano Fra presenta este martes en Lugo o seu libro sobre contaminación atmosférica

O profesor do Campus de Lugo Urbano Fra realizará o martes 7 a presentación do seu libro ‘Regional/Transboundary Transport of Air Pollution’, editado xunto con Dimitros Melas, da Universidade de Thessaloniki (Grecia). O acto de presentación, que estará aberto a todo o público, terá lugar no edificio CACTUS do Campus de Lugo ás 12:00 horas.
Esta obra é o resultado do traballo de síntese realizado por 14 investigadores de varios países europeos sobre o proceso de contaminación atmosférica transfronteiriza desenvolvido no marco dun estudo financiado pola OTAN.
Os distintos capítulos tratan sobre o inventario, monitorización, modelización, avaliación de impacto e xestión deste risco ambiental de orixe tecnolóxica.
Entre os autores participantes nesta obra pode destacarse a Zahari Zlatev, un dos especialistas mundiais mais destacados en modelización de procesos de transporte, e Laszlo Bozo, actual presidente do Servizo Meteorolóxico de Hungría. A publicación conta co apoio do Comité Español de International Human Dimensions Programme on Global Environmental Change, do que forma parte Urbano Fra.