Unha tese sobre a utilización de lodos de bauxita na inactivación de residuos tóxicos acada un premio nacional

O bolseiro David Rubinos González, do Departamento de Edafoloxía e Química Agrícola, acaba de acadar o premio á mellor tese de doutoramento de 2008 concedido pola Asociación para a Investigación e Desenvolvemento Industrial dos Recursos Naturais (AITEMIN), na que se atopan integradas empresas como Hunosa, Enresa ou Endesa, entre outras.
A tese de Rubinos González versou sobre ‘Utilización de lodos de bauxita na contención e inactivación de residuos tóxicos e perigosos’ e estivo dirixida pola profesora Mª Teresa Barral e o profesor Francisco Díaz-Fierros nos laboratorios da Facultade de Farmacia.
O premio, de carácter estatal e dotado con 6.000 euros, está encadrado na categoría explotación, valoración, conservación, aproveitamento, restauración e reciclado dos recursos naturais.