A USC é a Universidade Fernando Pessoa de Porto colaborarán en programas de formación de persoal e promoción social da I+D
A USC e a Universidade Fernando Pessoa de Porto ultiman a sinatura dun convenio marco entre ambas institucións académicas para a colaboración en programas de formación de persoal técnico e de investigación, así como na realización de doutras tarefas de promoción de social da investigación e o desenvolvemento tecnolóxico.
A cooperación entre as dúas universidades da Euro Rexión Galicia-Portugal estenderase tamén á realización doutros proxectos de investigación, así como a tarefas de asesoramento mutuo e mesmo ao intercambio de persoal, tal e como acordaron os profesores da universidade lusa Filipe Gonçalves de Sousa Macedo e Rui Leandro Maia, durante un encontro que mantiveron na Vicerreitoría de Coordinación do Campus de Lugo coa vicerreitora Montserrat Valcárcel, no marco dunha sesión na que tamén participaron a decana da Facultade de Formación do Profesorado, Carmen Sarceda Gorgoso, e o adxunto á citada vicerreitoría para Estudantes, Internacionalización, Cultura e Servizos, Jesús Varela Zapata.
O establecemento dun acordo marco entre a USC e a Universidade Fernando Pessoa de Porto serviría para oficializar a cooperación que veñen mantendo desde hai anos profesores da citada universidade lusa co Grupo Galego de Estudos para a Formación e Inserción Laboral (Gefil), un equipo de investigación da USC que coordina a actual decana da Facultade de Formación do Profesorado, Carmen Sarceda Gorgoso.
Daquela, cómpre sinalar que os profesores da universidade lusa Filipe Gonçalves de Sousa Macedo e Rui Leandro Maia veñen colaborando desde hai anos co Grupo Galego de Estudos para a Formación e Inserción Laboral da USC, un equipo multidisciplinar que integra a profesores e investigadores da Facultade de Formación do Profesorado do campus de Lugo como da Facultade de Ciencias da Educación de Compostela, entre outros centros de investigación.