Créditos ECTS Créditos ECTS: 6
Horas ECTS Criterios/Memorias Traballo do Alumno/a ECTS: 99 Horas de Titorías: 3 Clase Expositiva: 24 Clase Interactiva: 24 Total: 150
Linguas de uso Castelán, Galego
Tipo: Materia Ordinaria Grao RD 1393/2007 - 822/2021
Centro Facultade de Xeografía e Historia
Convocatoria: Primeiro semestre
Docencia: Sen docencia (En extinción)
Matrícula: Non matriculable (Só plans en extinción)
- Coñecer os fundamentos da Xeografía Física
- Coñecer as propiedades e identificar tipos de rochas
- Coñecer os principios dos controis lito-estruturais do relevo
- Coñecer os principais procesos morfoxenéticos
- Concepto e contido da Xeografía Física
- A Terra como sistema
- Estrutura da Terra. Tectónica, pregamentos. Xénese e clasificación de rochas
- Control estrutural e litolóxico do relevo
- Procesos morfoxenéticos
- Principais sistemas morfodinámicos
Estes contidos desenvolveranse nos seguintes temas:
Teóricos - EXPOSITIVOS
BLOQUE I: Concepto e contido da Xeografía Física
1- Ámbito de estudo da Xeografía Física
2. A Terra como sistema
3. A Xeomorfoloxía, ciencia do relevo
BLOQUE II: A Xeomorfoloxía tectónica, estructural e o control litolóxico na configuración do relevo
4- Estrutura da Terra
5- Tectónica, pregamentos
6- Xénese e clasificación das rochas
7- Control estrutural e litolóxico do relevo
BLOQUE III: Xeomorfoloxía dinámica-climática: modelado da superficie terrestre
8- Procesos morfoxenéticos
9- Principais sistemas morfodinámicos.
Prácticos - INTERACTIVOS
- Análise de formas estructurais do relevo
- Identificación de rochas
- Análise de mapas xeolóxicos
- Análise de redes fluviais
- Memoria da Práctica de Campo
Bielza De Ory (Ed.) (1993): Geografía General I. Introducción y Geografía Física. Taurus, Madrid.
Goudie, A.S. (Ed) 2002. Encyclopedia of global change: environmental change and human society. Oxford University. 2 vols.
Gutierrez Elorza. M. (2008): Geomorfología. Ed. Prentice Hall. Madrid.
Le Coeur, Ch. (Coord.) (1996): Éléments de Géographie physique, Bréal Éditions, Roxny Cedex
López Bermúdez, F.; Rubio Recio, J.M.; Cuadrat, J.M. (1992): Geografía Física. Cátedra, Madrid.
Muñoz Jiménez, J. (1992): Geomorfología General. Ed. Síntesis. Madrid
Pedraza Gilsanz, J. (1996): Geomorfología. Principios; Métodos y Aplicaciones. Ed. Rueda. Madrid.
Rosselló, V. Y otros (1994): Manual de Geografía Física. Universitat de Valencia, Valencia (En catalán)
Strahler, A.N. & Strahler, A.H. (1989): Geografía Física. Omega, Barcelona.
Tarbuck, E.J.; Lutgens, F.K. 2008. Ciencias de la Tierra. Una introducción a la Geología Física. Pearson-Prentice Hall. 709 pp.
V.V.A.A. (1986): Diccionario de Geografía. Anaya, Madrid.
Básicas e Xerais
CG1 - Asegurar unha formación xeneralista e de carácter integrado sobre os contidos fundamentais dos diversos ámbitos temáticos da Xeografía, o seu desenvolvemento epistemolóxico e os seus métodos de investigación.
CG2 - Coñecer, comprender e interpretar o territorio.
CG3 - Interrelacionar o medio físico e ambiental coa esfera social e humana.
CG4 - Combinar un enfoque xeneralista con unha análise especializada.
CG5 - Interrelacionar os fenómenos a diferentes escalas territoriais.
CG6 - Explicar a diversidade de lugares, rexións e localización.
CG7 - Comprender as relacións espaciais. Valorar os aspectos culturais na súa interpretación.
CG8 - Analizar e interpretar as paisaxes.
CG9 - Xerar sensibilidade e interese polos temas territoriais e ambientais.
CB1 - Que os estudantes demostren poseer e comprender coñecementos nun área de estudio que parte da base da educación secundaria xeral, e se soe encontrar nun nivel que, se ben se apoia en libros de texto avanzados, inclúa tamén algúns aspectos que implican coñecementos procedentes da vanguardia do seu campo de estudo.
CB2 - Que os estudantes saiban aplicar os seus coñecementos ao seu traballo ou vocación dunha forma profesional e posúan as competencias que soen demostrarse por medio da elaboración e defensa de argumentos e a resolución de problemas dentro da súa área de estudo.
CB3 - Que os estudantes teñan a capacidade de reunir e interpretar datos relevantes (normalmente dentro da súa área de estudo) para emitir xuízos que inclúan unha reflexión sobre temas relevantes de índole social, científica ou ética.
CB4 - Que os estudantes podan transmitir información, ideas, problemas e solucións a un público tanto especializado como non especializado.
CB5 - Que os estudantes desenvolvan aquelas habilidades de aprendizaxe necesarias para emprender estudos posteriores cun alto grado de autonomía.
Transversais
CT1 - Coñecer a historia e pensamento da disciplina xeográfica.
CT2 - Coñecer a diversidade de espazos xeográficos e os aspectos de Xeografía humana, económica e social; Xeografía física e medio ambiente.
CT4.- Combinar as dimensións temporal e espacial na explicación dos procesos socioterritoriais.
CT5 - Relacionar e sintetizar información territorial transversal.
CT8 - Ordenar e sintetizar a información.
CT9 - Expor e transmitir os coñecementos xeográficos.
Específicas
CE1 - Realizar análise integrada do territorio.
CE7 - Realizar análise e proposta de xestión ambiental.
CE4 - Expresar información cartográficamente.
CE6 - Realizar análise e proposta de xestión territorial.
A metodoloxía da ensinanza da materia articúlase en:
Sesións EXPOSITIVAS: Docencia presencial teórica en aula e práctica en aula e/o campo
Nas clases expositivas, presentaranse os aspectos básicos da materia, utilizaranse medios audiovisuais e facilitarase aos estudantes, a través do campus virtual da USC, o material básico para o seguimento das clases teóricas así como material complementario (textos, gráficos e táboas de uso habitual na materia) para fomentar a participación e a discusión durante a clase. Tamén se empregarán recursos informáticos por medio de enlaces a páxinas web.
As sesións expositivas destinaranse a:
- Presentación da información básica por parte do/a profesor/a.
- Explicación de conceptos, técnicas e métodos de traballo.
- Proxeccións audiovisuais sobre contidos e novas de interese.
- Conferencia/s e charla/s de especialistas sobre a materia.
- Práctica/s de campo. A docencia incluirá alomenos unha práctica de campo, a realizar nas datas indicadas no calendario
oficial, na que se aplicarán os contidos teóricos sobre o terreo. A asistencia á práctica de campo é obrigatoria, salvo
xustificación.
- Outras actividades que o profesor considere oportunas.
Sesións INTERACTIVAS: destinadas a prácticas presenciais de laboratorio ou informático.
As clases interactivas centraranse no traballo persoal dos estudantes baixo a tutela e dirección do profesorado para tratar aspectos da materia que non se poden contemplar nas clases teóricas e abordar a resolución de problemas e aspectos aplicados coa Xeografía Física.
Está planificada a realización de traballos teórico-prácticos (individuais e grupais) orientados á aplicación dos coñecementos adquiridos ao longo do curso. A temática dos traballos será establecida polo profesor/a a partir dun número de temas a escoller polo alumnado.
As sesións interactivas destinaranse a:
- Prácticas de laboratorio
- Presentacións orais por parte do estudantado.
- Debates e defensas de traballos en público.
- Actividades de avaliación grupal.
- Práctica/s de campo. A docencia incluirá alomenos unha práctica de campo, a realizar nas datas indicadas no calendario oficial, na que se aplicarán ós contidos teóricos sobre o terreo. A asistencia á Práctica de campo é obrigatoria, salvo xustificación.
- Outras actividades que o profesor considere oportunas.
Sesións de TITORÍAS, destinadas a:
- Prestar apoio na realización de tarefas.
- Presentar informes de avance dos traballos de grupo.
- Titoría en grupos reducidos.
- Resolver dúbidas persoais.
- Outras actividades que o profesor considere oportunas.
- Realizaranse de forma presencial no despacho do profesor e/ou mediante a plataforma MS Teams.
TRABALLO AUTÓNOMO do alumnado
Consistirá en: estudio, traballo de laboratorio, elaboración e redacción de traballos, preparación de presentacións ou outras actividades.
CAMPUS VIRTUAL
Utilizarase a Aula Virtual da USC a través da aplicación Moodle, como ferramenta de comunicación cos estudantes, ofrecéndolles información da programación docente e materiais complementarios para o estudo da materia.
A materia segue o modelo de avaliación contínua onde se fai un seguimento na entrega de prácticas, cuestionarios, problemas e informes nos que se recolla os coñecementos adquiridos nas actividades presenciais.
É imprescindible a presenza activa do alumnado en todo tipo de actividades que se propoñan. A falta de implicación - non asistir sen xustificación a un mínimo dun 80% das sesións programadas ou non presentar as actividades demandadas - poderá implicar a exclusión deste proceso avaliativo e deberá superar a materia mediante probas específicas de carácter individual que se determinarán no seu momento.
- Avaliación contínua: O proceso avaliativo contempla a suma de:
• Traballo/os individuais: Terán un peso dun 20% na cualificación final. O alumnado deberá abordar por escrito distintas reflexións en relación coa materia. Non seguirán un modelo tradicional de corte memorístico. Estarán encamiñados a demostrar a comprensión crítica e a resolución de problemas derivados da posta en práctica da materia. O alumno/a deberá facer entrega do 50 % das tarefas realizadas para poder ser avaliados os traballos individuais.
• Traballo en grupo: Terán un peso dun 15% na cualificación final. Está enfocado ao deseño de actividades relacionadas coa aplicación dos métodos e técnicas de estudo acordes co sentido da materia ou a construír os contidos da propia materia. Os grupos contarán coa guía do profesor/a. Deben levarse a cabo de forma totalmente cooperativa, quen non colabore co grupo será apartado e terá que acadar ese 15% nunha proba específica sobre os contidos da materia. Os estudantes deberán presentar, e expoñer na aula, o traballo grupal, que terá unha temática elixida a partir dunha lista de temas propostos polo/a docente da materia. Valorarase a calidade da memoria, a claridade na presentación dos resultados e a súa correcta interpretación.
• Proba Final: Terá un peso dun 50% na cualificación final. O alumnado realizará unha proba na data indicada no calendario oficial. O alumno/a deberá acadar unha puntuación mínima de 4,5 na proba para que se teña en conta nas cualificacións e na ponderación final. En caso contrario deberá recuperala na 2ª oportunidade.
• Control da asistencia a clase e a Práctica de Campo, así coma a entrega da memoria sobre o traballo de campo realizado (15%). O simple feito de asistir ás sesións programadas non será recoñecido como mérito. Terase en conta a participación activa e crítica do alumnado mediante as canles programadas.
- Na 2ª Oportunidade o alumnado que deba superar a avaliación manterá as mesmas condicións. Debendo superar as ponderacións naquelas tarefas que supuxeron o suspenso na primeira oportunidade. O alumnado que non se presente na primeira oportunidade e, polo tanto, sen porcentaxes doutros traballos, fará unha proba final cun valor dun 100%. No caso de ter que recorrer a novas convocatorias, continuará o mesmo sistema, pero será preciso tratar o tema previamente, e de forma individualizada, entre o alumnado afectado e o/a docente.
- Avaliación do alumnado que dispoña coa dispensa. No caso de que sexa concedida oficialmente a dispensa de asistencia ás aulas, o alumnado terá que facer un traballo específico, que será acordado co profesorado.
- Poderase engadir 0,5 puntos na cualificación final da materia ao alumnado que acredite a realización durante o semestre do curso básico de formación en competencias da información ofertado pola Biblioteca.
(https://www.usc.gal/gl/servizos/biblioteca/servizos/competencias.html)
Para os casos de realización fraudulenta de exercicios ou probas será de aplicación o recolleito na Normativa de Avaliación do Rendemento Académico dos Estudantes e de Revisión de Cualificacións.
A asignatura consta de 6 créditos ECTS repartidos equilibradamente entre teoría, práctica e actividade académicamente dirixida non presencial na aula. O alumnado deberá dedicar como traballo autónomo a parte alícuota do total de créditos do curso, e en función das súas necesidades persoais para un coñecemento axeitado da materia.
-. Considérase recomendable a comunicación directa co/coa docente e a realización das actividades que se programen, é dicir un traballo constante ao longo do semestre.
-. Indispensable a asistencia ás clases teórico-prácticas e a saída de campo.
-. Non é recomendable presentar traballos que non teñan sido orientados e supervisados polo docente.
-. Utilización de bibliografía recomendada.
Recoméndase encarecidamente cursar os Cursos de Competencias en Información ofertados pola Biblioteca Universitaria:
(https://www.usc.gal/gl/servizos/biblioteca/servizos/competencias.html)
-. Non existirá unha separación clara entre as clases expositivas e as interactivas. Intercalaranse explicacións teóricas por parte do profesor/a, cando sexa pertinente e tamén se buscará a participación continuada do alumnado.
-. As saídas de campo son de gran importancia nesta materia. Cando menos, farase unha que abrangue o día completo.
Manuela Costa Casais
- Departamento
- Xeografía
- Área
- Xeografía Física
- Correo electrónico
- manuela.costa [at] usc.es
- Categoría
- Profesor/a: Profesor Contratado/a Doutor
| 13.01.2025 09:00-11:30 | Grupo de exame | Aula 08 |
| 20.06.2025 09:30-12:00 | Grupo de exame | Aula 09 |