Máster Propio en Produción de Leite
Aberto o prazo de preinscrición na X Edición do Máster Propio en Produción de Leite ata o 30 de xuño.
O obxectivo deste máster é a formación de profesionais especializados cun enfoque fundamentalmente práctico e aplicado, que permita cubrir a demanda de expertos en servizos técnicos e de asesoría que demanda o sector da produción do leite en xeral e as explotacións leiteiras en particular.
Poderán acceder graduados, máster, diplomados, licenciados e enxeñeiros técnicos e superiores. Poderán ser admitidos os alumnos aos que lles reste por superar o TFG e, como máximo 9 créditos ECTS para obter a titulación de acceso requirida.
O prazo de preinscrición remata o 30 de xuño de 2024.