O Terra Creative Jam achega solucións que sirvan para “reinventar o rural”. Este evento creativo e de innovación para a xeración de ideas na USC desenvólvese ao longo de dúas xornadas, e ofrece obradoiros, así como múltiples desafíos sociais, ambientais e tecnolóxicos. O evento estrutúrase nunha primeira xornada de ideación, con xogos de creación de ideas e proxectos sostibles, formación con workshops específicos, prototipaxe con maquinas 3D, corte láser, gamificación, drons, realidade virtual e IA, alén de actividades deportivas e lúdicas. A segunda xornada consistirá nun Hackaton onde por equipos se traballa nun prototipo para crear unha solución e expoñela ante un xurado.

O evento toca diferentes temáticas que van dende a economía verde, a produción eficiente e sostible; educación rural inclusiva e de igualdade; emprendemento  das mulleres do rural; seguridade alimentaria; rural tech, desenvolvemento local, envellecemento activo no rural, rexurdimento creativo e cultural e moitas máis. 

Este evento está promovido polo Campus Terra a través da Área de Valorización, Transferencia e Emprendemento da USC (AVTE) en colaboración coa incubadora Lug Open Factory.