Programa de Doutoramento en Estudos Culturais: Memoria, Identidade, Territorio e Linguaxe

Terán acceso directo, sen necesidade de cursar complementos de formación, tanto na USC como na universidade Rennes 2 os alumnos que cursaran os seguintes másteres oficiais:

1.Na USC

•Servizos Culturais

•Filosofía: Cuestións Actuais

•Historia Contemporánea

•Lingüística Aplicada

•Estudos da Literatura e da Cultura

•Estudos Ingleses

•Estudos lingüísticos

•Xestión do Patrimonio Artístico e Arquitectónico

•Comunicación e Industrias Creativas

•Educación, Xénero e igualdade

•Investigación en Educación, Diversidad Cultural e Desenvolvemento Comunitario

2.En Rennes 2:

•Master LCER ETILA (Études Ibériques et Latino-américaines) et ETILA international en partenariat avec l`Université Autonome de Madrid pour lle CERPI, lle LIRA et lle PRIPLAP.

•Master Lles Amériques pour lle L?ERIMIT (Interlangues, Memoires, Identités, Territoires) et l`EA ACE (Anglophonie : Communautés et Écritures).

•Master LEA commerce international ALPI (Amérique Latine et Péninsule Ibérique) pour lle CERPI, lle LIRA, lle PRIPLAP.

•Master LCER Arabe ouvert en 2008, plus deux projets en cours de réalisation pour 2011 et 2012. À cela s`ajoute lle projet dun master international avec l`Université de Fès (Maroc).

•Master LCER en Études Germaniques pour l`ERIMIT.

•Master LCER en Études Russes pour l`ERIMIT.

3.Tamén terán acceso directo na USC os alumnos que obteñan Diploma de Estudos Avanzados en Antropoloxía Social, Comunicación, Xeografía, Filosofía, Historia, Historia da Arte, Humanidades, Lingüística, Linguas e Literaturas Modernas.

4.Nos demais casos será a correspondente Subcomisión delegada da Comisión Académica quen decida a conveniencia de cursar complementos de formación. Estes complementos de formación serán asignados pola Subcomisión delegada da CAPD correspondente, entre materias de grao ou máster. Non podendo superar a cifra de 12 créditos ECTS. Estas materias deberán ser completadas polo doutorando durante os primeiros tres cuadrimestres do programa.

Na Universidade de Santiago de Compostela estes complementos poderán ser materias de grao ou máster pertencentes ás seguintes áreas de coñecemento: Antropoloxía Social, Filosofía, Xeografía, Historia, Historia da arte, Linguas e Literaturas modernas (español, galego, francés, inglés, alemán, italiano, portugués).

Na Universidade de Rennes 2 os complementos de formación corresponderán a materias dos másteres seguintes: Études Ibériques et Latino-américaines, Lles Amériques pour LERIMIT (Interlangues, Memoires, Identités, Territoires), L'EA ACE (Anglophonie : Communautés et Écritures), Études Germaniques pour LERIMIT e Études Russes pour L'ERIMIT

Acceso

1. Con carácter xeral, para o acceso a un programa oficial de doutoramento será necesario estar en posesión dos títulos oficiais españois de Grao, ou equivalente, e de Máster universitario, ou equivalente, sempre que se teñan cursado, polo menos, 300 créditos ECTS no conxunto destas dúas ensinanzas.

2. Así mesmo, poderá acceder quen se atope nalgún dos seguintes supostos:

a) Estar en posesión dun título universitario oficial español ou doutro país integrante do Espazo Europeo de Educación Superior, que habilite para o acceso ao máster de acordo co establecido no artigo 16 do RD 1393/2007, e superar un mínimo de 300 créditos ECTS no conxunto de estudos universitarios oficiais, dos cales polo menos 60 deberán ser de nivel de máster.

b) Estar en posesión dun título oficial español de graduado ou graduada, cuxa duración, conforme normas de dereito comunitario, sexa de polo menos 300 créditos ECTS. Ditos titulados deberán cursar con carácter obrigatorio os complementos de formación requiridos polo programa, agás que o plan de estudos do correspondente título de grao inclúa créditos de formación en investigación equivalentes en valor formativo aos créditos en investigación procedentes de estudos de máster.

c) Os titulados universitarios que, logo da obteren praza en formación na correspondente proba de acceso a prazas de formación sanitaria especializada, superen con avaliación positiva polo menos dous anos de formación dun programa para a obtención do título oficial dalgunha das especialidades en ciencias da saúde.

d) Estar en posesión dun título obtido conforme sistemas educativos estranxeiros, sen necesidade da súa homologación, logo da comprobación pola Universidade de que este acredita un nivel de formación equivalente á do título oficial español de máster universitario e que faculta no país expedidor do título para o acceso a estudos de doutoramento. Esta admisión non implicará, en ningún caso, a homologación do título previo do cal estea en posesión o interesado nin o seu recoñecemento para outros efectos que o do acceso a ensinos de doutoramento.

e) Estar en posesión doutro título español de doutor obtido conforme anteriores ordenacións universitarias.

f) Estar en posesión dun título universitario oficial que obtivera a correspondencia ao nivel 3 do Marco Español de Cualificacións para a Educación Superior, de acordo co procedemento establecido no Real Decreto 967/2014, de 21 de novembro, polo que se establecen os requisitos e o procedemento para a homologación e declaración de equivalencia a titulación e a nivel académico universitario oficial e para a validación de estudos estranxeiros de Educación Superior, e o procedemento para determinar a correspondencia aos niveis do Marco Español de Cualificacións para a Educación Superior dos títulos oficiais de Arquitecto, Enxeñeiro, Licenciado, Arquitecto Técnico, Enxeñeiro Técnico e Diplomado.

3. Os doutorandos que iniciasen o seu programa de doutoramento conforme anteriores ordenacións universitarias poderán acceder ao ensino de doutoramento, logo da súa admisión de acordo co establecido no Regulamento de estudos de doutoramento da USC. En todo caso deberán reunir os requisitos establecidos con carácter xeral no citado Regulamento para acceder aos estudos de doutoramento.

4. Poderán acceder aos estudos de doutoramento os licenciados, arquitectos ou enxeñeiros que posúan o diploma de estudos avanzados obtido de acordo co disposto no Real decreto 778/1998, do 30 de abril, ou alcancen a suficiencia investigadora regulada no Real decreto 185/1985, do 23 de xaneiro.

5. Poderán acceder aos estudos de doutoramento os licenciados, arquitectos ou enxeñeiros que posúan un título de máster oficial conforme o Real decreto 56/2005 ou o Real decreto 1393/2007, modificado polo Real decreto 861/2010, ou teñan superados 60 ECTS de estudos de máster oficial.

6. Tamén poderán acceder os diplomados, enxeñeiros técnicos ou arquitectos técnicos que acrediten ter 300 créditos ECTS superados no conxunto de estudos universitarios oficiais, dos cales, polo menos 60, deberán ser de nivel de máster.

Valorarase de xeito especial o seu expediente académico, o seu currículo académico e investigador, a acreditación do coñecemento de idiomas estranxeiros, moi especialmente en relación co ámbito lingüístico en que pretendan realizar a súa tese (xa sexa polos seus estudos de grao ou licenciatura ou por outras certificacións que xustifiquen un nivel avanzado, equivalente a un nivel C1 no Marco común europeo de referencia para as linguas), así como a presentación de informes por parte dalgún investigador recoñecido, pertenza ou non ao programa de doutoramento. Será un factor relevante a adecuación do seu perfil formativo a algunha das liñas de investigación, en Humanidades ou en Ciencias Sociais, do presente programa de doutoramento. A Subcomisión delegada da CAPD en cada universidade resérvase a posibilidade de realizar entrevistas aos alumnos solicitantes co obxecto de completar e matizar a información precisa para decidir sobre a súa admisión.

As puntuacións por cada mérito serán valoradas polas comisións do xeito seguinte

1.- Expediente académico: 4 puntos

2.- CV: 2 puntos

3.- Coñecementos de idiomas estranxeiros do programa: 2 puntos

4.- Informes favorables de investigadores recoñecidos: 2 puntos

O programa de doutoramento poderá extinguirse por algunha das seguintes causas:

• Que non supere o proceso de renovación da acreditación establecido no artigo 10 do RD 99/2011.

• Que non acredite o cumprimento dos requisitos establecidos pola normativa estatal ou autonómica vixente.

• Que se formule unha proposta de extinción do programa ao abeiro dos procesos de revisión e mellora do título de acordo co procedemento aprobado pola universidade.

• Que concorra calquera situación excepcional que impida o correcto desenvolvemento do programa de doutoramento.

A extinción producirá os seguintes efectos:

• Comportará a perda do seu carácter oficial e a baixa no RUCT.

• Non se poderá matricular novo alumnado no programa de doutoramento.

• En calquera caso todo o alumnado afectado deberá ser informado da extinción e das consecuencias desta no relativo ao desenvolvemento dos seus estudos.

A Universidade adoptará as medidas necesarias para garantir os dereitos académicos do alumnado que estea cursando os ditos estudos nos termos establecidos na resolución de extinción do plan de estudo, e aprobará o procedemento de extinción dos programas de doutoramento no seo da universidade.

• Comprensión sistemática dun campo de estudo e dominio das habilidades e métodos de investigación relacionados co devandito campo.
• Capacidade de concibir, deseñar ou crear, pór en práctica e adoptar un proceso substancial de investigación ou creación.
• Capacidade para contribuír á ampliación das fronteiras do coñecemento a través dunha investigación orixinal.
• Capacidade de realizar unha análise crítica e de avaliación e síntese de ideas novas e complexas.
• Capacidade de comunicación coa comunidade académica e científica e coa sociedade en xeral acerca dos seus ámbitos de coñecemento nos modos e idiomas de uso habitual na súa comunidade científica internacional.
• Capacidade de fomentar, en contextos académicos e profesionais, o avance científico, tecnolóxico, social, artístico ou cultural dentro dunha sociedade baseada no coñecemento.

• Desenvolverse en contextos nos que hai pouca información específica.
• Atopar as preguntas craves que hai que responder para resolver un problema complexo.
• Deseñar, crear, desenvolver e emprender proxectos novos e innovadores no seu ámbito de coñecemento.
• Traballar tanto en equipo como de maneira autónoma nun contexto internacional ou multidisciplinar.
• Integrar coñecementos, enfrontarse á complexidade e formular xuízos con información limitada.
• A crítica e defensa intelectual de solucións.

Outras competencias

• Aprender a traballar en equipos interdisciplinares sobre as aplicacións socioeconómicas e os problemas dos deseños culturais
• Aprender a deseñar programas de cooperación internacional sobre dereitos humanos
• Coñecer os métodos e técnicas da investigación etnográfica aplicada aos fenómenos interculturais
• Aprender a dominar os principais modelos da teoría social e cultural aplicados aos procesos culturais

- Aprender a traballar en equipos interdisciplinares sobre as aplicacións socioeconómicas e os problemas dos deseños culturais
- Aprender a deseñar programas de cooperación internacional sobre dereitos humanos
- Coñecer os métodos e técnicas da investigación etnográfica aplicada aos fenómenos interculturais
- Aprender a dominar os principais modelos da teoría social e cultural aplicados aos procesos culturais