Este curso, que se desenvolverá do 4 de novembro ao 4 de decembro, está orientado a todo o alumnado de doutoramento, ao contemplar o seu contido competencias transversais necesarias na etapa de tese.
A matrícula realizarase na Secretaría Virtual do 21 ao 28 de outubro. O curso desenvolverase ao longo de catro semanas, do 4 de novembro ao 4 de decembro, de xeito semipresencial.
Esta formación está destinada ao alumnado de doutoramento da EDIUS e conta con 50 prazas (25 para o campus de Santiago e 25 para o campus de Lugo).
O curso organízase en 6 módulos cos contidos e as tarefas correspondentes, de carácter obrigatorio, a través do Campus Virtual. Realizaranse dúas sesións prácticas presenciais de 3 horas cada unha:
- 1ª sesión: Buscas bibliográficas + Uso de Xestores bibliográficos (RefWorks)
- 2ª sesión: Traballo científico + Ciencia Aberta
Os contidos da formación teórica serán os seguintes:
- Busca eficaz da información, avaliación e xestión da mesma
- Ferramentas TIC na USC
- A elaboración do traballo científico, propiedade intelectual, publicación e difusión da información
- Ferramentas de traballo colaborativo na rede