Programa de Alumnos-Titores
Para alumnado matriculado en estudos de grao no curso 2024-25.
O día 11 de febreiro de 2025 publicouse no Taboleiro Electrónico da USC a convocatoria do Programa de alumnos titores do curso 2024-25.
Os aspectos a resaltar son:
- Pode participar o alumnado matriculado en estudos de grao que teña superados como mínimo 30 créditos.
- O número de prazas para o Grao en Veterinaria é de 4.
- O programa desenvolverase en dous cursos. No primeiro, os/as alumnos/as reciben a formación necesaria, e no segundo exercen como titores/as dos/as estudantes de novo ingreso e colaboran nas diferentes actividades do programa A Ponte.
- A valoración positiva da realización de todas as actividades do programa da dereito ao recoñecemento de 6 créditos ECTS.
- Os/As alumnos/as interesados/as deberán presentar a súa solicitude, dirixida ao Sr. decano na Secretaría do Decanato.
- Prazo de presentación de solicitudes do 13 ao 24 de febreiro de 2025.