Grao en Veterinaria

O perfil de ingreso propio da titulación é o dunha persoa que teña interese polas cuestións relacionadas coas Ciencias da Saúde en xeral, e polas Ciencias Veterinarias en particular, e cunha sensibilidade especial cara ao mundo animal, a súa medicina, produción e a saúde pública, enfocada desde o punto de vista veterinario, coas correspondentes repercusións na especie humana. Así mesmo, debe estar interesado, ou mostrar inquietude, polo mundo agrario en todas as súas vertentes, incluíndo a do seu desenvolvemento, e cara a todos os ámbitos sociolaborais e sectoriais nos que se desenvolve a Profesión Veterinaria.
Aínda que non son obrigatorios os coñecementos específicos previos, recoméndase ter coñecementos básicos previos correspondentes a un nivel de 2º de Bachiller na opción de Ciencias da Saúde, sendo o ideal un/a estudante en cuxa formación inclúa as seguintes materias: Bioloxía, Matemáticas, Física e Química.

1.- O alumnado de primeiro curso por primeira vez a tempo completo ten que matricular 60 créditos. Un 15% do alumnado poderá cursar estudos a tempo parcial (30 créditos).
2.- Continuación de estudos : libre cun máximo de 75 créditos.

A USC ten un programa de alumnos titores para as titulacións de grao, de forma que alumnos de últimos cursos, logo dunha formación que lles facilita a Universidade, realizan tarefas de orientación aos alumnos que inician os estudos.

Información programa alumnos titores:

Programa alumnos titores

Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

• A admisión de matrículas de novo ingreso na titulación.
• A supresión gradual da impartición da docencia.
• Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

Poden acceder a estudos de Grao aqueles estudantes que posúan os títulos, diplomas ou estudos seguintes ou otros declarados equivalentes ou homologados a estes:
A.1. Bacharelato do Sistema Educativo Español, Bacharelato Europeo o Bacharelato Internacional.
A.2. Bacharelato procedente de sistemas educativos de Estados membros da Unión Europea ou de otros Estados cos que se teñan subscrito acordos internacionais.
A.3. Técnico Superior de Formación Profesional, Técnico Superior de Artes Plásticas e Diseño ou Técnico Deportivo Superior pertencente ao Sistema Educativo Español.
A.4. Outros estudos que, nun Estado membro da Unión Europea ou noutros Estados cos que se teñan subscrito acordos internacionais en réxime de reciprocidade, acrediten os requisitos académicos esixidos en ditos Estados para acceder aos seus estudos universitarios.
A.5. Títulos universitarios oficiais de Diplomado, Arquitecto Técnico, Enxeñeiro Técnico, Licenciado, Arquitecto, Enxeñeiro, Graduado ou Máster Universitario.
A.6. Estudos universitarios parciais, estranxeiros ou españois.
Tamén poderán acceder a estudios de Grao:
B.1. Persoas maiores de vintecinco anos que superen unha proba de acceso específica.
B.2. Persoas maiores de corenta anos con experiencia laboral ou profesional en relación cunha ensinanza universitaria.
B.3. Persoas maiores de corenta e cinco anos que superen unha proba de acceso específica.
Do mesmo xeito, poderán acceder a estudos de Grao:
C.1. Persoas que estiveran en condicións de acceder á universidade segundo ordenacións do Sistema Educativo Español anteriores á Lei Orgánica 8/2013, de 9 de decembro.

1. Que os estudantes demostrasen posuír e comprender coñecementos nunha área de estudo que parte da base da educación secundaria xeral, e adóitase atopar a un nivel que, aínda que se apoia en libros de texto avanzados, inclúe tamén algúns aspectos que implican coñecementos procedentes da vangarda do seu campo de estudo
2. Que os estudantes saiban aplicar os seus coñecementos ao seu traballo ou vocación dunha forma profesional e posúan as competencias que adoitan demostrarse por medio da elaboración e defensa de argumentos e a resolución de problemas dentro da súa área de estudo
3. Que os estudantes teñan a capacidade de reunir e interpretar datos relevantes (normalmente dentro da súa área de estudo) para emitir xuízos que inclúan unha reflexión sobre temas relevantes de índole social, científica ou ética
4. Que os estudantes poidan transmitir información, ideas, problemas e solucións a un público tanto especializado como non especializado
5. Que os estudantes desenvolvesen aquelas habilidades de aprendizaxe necesarias para emprender estudos posteriores cun alto grao de autonomía

1. Capacidade de aprendizaxe e adaptación.
2. Capacidade de análise e síntese.
3. Coñecementos xerais sobre a área de traballo.
4. Planificación e xestión do traballo.
5. Capacidade de aplicar os coñecementos na práctica.
6. Capacidade de traballar de forma autónoma e en equipo.
7. Habilidade para traballar nun contexto internacional.
8. Liderado, iniciativa e espírito emprendedor.
9. Capacidade de comunicarse en distintos ámbitos.
10. Compromiso ético e asunción de responsabilidades.

A. Competencias específicas disciplinares
1. Coñecemento xenérico dos animais, do seu comportamento e das bases da súa identificación.
2. Estrutura e función dos animais sans.
3. Cría, mellora, manexo e benestar dos animais.
4. Bases físicas, químicas e moleculares dos principais procesos que teñen lugar no organismo animal.
5. Principios básicos e aplicados da resposta inmune.
6. Coñecer os aspectos básicos dos distintos axentes biolóxicos de interese veterinario.
7. Coñecemento das alteracións da estrutura e función do organismo animal.
8. Coñecemento e diagnóstico das distintas enfermidades animais, individuais e colectivas, e as súas medidas de prevención, con especial énfase nas zoonoses e nas enfermidades de declaración obrigatoria.
9. Bases xerais dos tratamentos médico-cirúrxicos.
10. Coñecer as técnicas aplicables aos animais domésticos, incluíndo aquelas con influencia directa sobre a saúde animal e humana.
11. Coñecemento das bases do funcionamento e optimización dos sistemas de produción animal e vexetal e as súas repercusións sobre o medio ambiente.
12. Principios da ciencia e tecnoloxía dos alimentos. Control de calidade dos alimentos elaborados e seguridade alimentaria.
13. Coñecer os aspectos organizativos, económicos e de xestión en todos aqueles campos da profesión veterinaria.
14. Coñecer as normas e leis do ámbito veterinario e os regulamentos sobre os animais e o seu comercio.
15. Coñecer os dereitos e deberes do/a veterinario/a, con especial incidencia nos principios éticos.
16. Coñecer as técnicas analíticas básicas e a súa interpretación.
17. Coñecemento dos efectos biolóxicos das radiacións ionizantes e dos medios de radioprotección.
18. Coñecer os procedementos básicos para garantir o correcto funcionamento da actividade reprodutiva, como os procesos tecnolóxicos e os métodos para a resolución dos problemas obstétricos.
B. Competencias específicas profesionais
1. Realizar a historia e a exploración clínica dos animais.
2. Recoller e remitir espécimes co seu correspondente informe.
3. Realizar técnicas analíticas básicas e interpretar resultados clínicos, biolóxicos e químicos.
4. Diagnosticar as enfermidades máis comúns mediante a utilización dos protocolos e técnicas complementarias de diagnóstico.
5. Realizar estudos epidemiolóxicos e desenvolver programas de prevención, control e erradicación das enfermidades animais, con especial atención ás enfermidades de declaración obrigatoria e zoonoses.
6. Atender urxencias e realizar primeiros auxilios en veterinaria.
7. Realizar os tratamentos médico-cirúrxicos básicos nos animais.
8. Prescribir, manexar e administrar correctamente os medicamentos de uso veterinario.
9. Aplicar os procedementos básicos que garantan o correcto funcionamento da actividade reprodutiva, os procesos tecnolóxicos e a resolución de problemas obstétricos.
10. Identificar as materias primas destinadas á alimentación animal e manexo da dieta adecuada á especie e estado do animal.
11. Valorar e interpretar os parámetros produtivos e sanitarios dun colectivo animal, considerando os aspectos económicos, medioambientais e de benestar, buscando a súa optimización.
12. Realizar a inspección dos animais ante e posmortem e dos alimentos destinados ao consumo humano.
13. Realizar o control sanitario dos distintos tipos de empresas e establecementos de restauración e alimentación.
14. Realizar análises de riscos, incluíndo os medioambientais e de bioseguridade, así como a valoración, xestión e supervisión de sistemas de xestión da calidade.
15. Asesoramento e xestión, técnica e económica, de empresas de ámbito veterinario nun contexto de sustentabilidade.
16. Aplicar os métodos de identificación individual dos animais.
17. Realizar informes técnicos propios das competencias veterinarias.
18. Aplicar os coñecementos de radioprotección en aqueles procedementos diagnósticos que requiran o uso de radiacións ionizantes.
C. Competencias específicas académicas
1. Analizar, sintetizar, resolver problemas e tomar decisións nos ámbitos profesionais do/a veterinario/a.
2. Manter un comportamento ético no exercicio das súas responsabilidades ante a profesión veterinaria e a sociedade.
3. Divulgar a información obtida durante o exercicio profesional do/a veterinario/a de forma fluída, oral e escrita, con outros colegas, autoridades e a sociedade en xeral.
4. Buscar e xestionar a información relacionada coa actividade do/a veterinario/a.
5. Coñecer e aplicar o método científico na práctica profesional incluíndo a medicina baseada na evidencia.
6. Saber buscar asesoramento e axuda profesionais.
7. Ter coñecementos básicos dunha lingua estranxeira, especialmente en aspectos técnicos relacionados coas ciencias veterinarias.
8. Ser consciente da necesidade de manter actualizados os coñecementos, habilidades e actitudes das competencias profesionais mediante un proceso de formación permanente.

1. Capacidade para o razoamento e a argumentación.
2. Capacidade para obter información adecuada, diversa e actualizada por diversos medios, como información bibliográfica e Internet, e analizala dunha forma crítica.
3. Capacidade para elaborar e presentar un texto organizado e comprensible.
4. Capacidade para realizar unha exposición en público de forma clara, coherente e concisa.
5. Habilidade no manexo das TICs.
6. Utilización de información en lingua estranxeira.
7. Capacidade para resolver problemas mediante a aplicación integrada dos seus coñecementos.