Grao en Psicoloxía

• Perfil de ingreso

  É recomendábel que o/a estudante posúa as seguintes características persoais e académicas:

  - Coñecementos en Bioloxía e Estatística de nivel de Bacharelato
  - Interese por aspectos relacionados coa saúde e a calidade de vida
  - Compromiso social
  - Compromiso ético
  - Curiosidade científica
  - Habilidade para as relacións interpersoais
  - Constancia e responsabilidade no traballo
  - Capacidade de traballo en equipo
  - Capacidade de análise
  - Capacidade de resolución de problemas e toma de decisións
  - Competencia en expresión oral e escrita
  - Competencias lingüísticas en galego e castelán
  - Competencia lingüística en inglés, polo menos suficiente para a lectura de textos
  - Competencia en ferramentas informáticas básicas

• Número mínimo de créditos ECTS de matrícula por estudante e período lectivo

  1.- O alumnado de primeiro curso por primeira vez a tempo completo ten que matricular 60 créditos. Un 15% do alumnado poderá cursar estudos a tempo parcial (30 créditos).
  2.- Continuación de estudos : libre cun máximo de 75 créditos.

• Acción titorial e acollida

  A Universidade de Santiago conta cun servizo de participación e integración universitaria (SEPIU) (http://www.usc.es/gl/servizos/sepiu) que traballa na integración de persoas con discapacidade e presta apoio para o desenvolvemento das adaptacións curriculares, así como un protocolo para a integración na comunidade universitaria.
  A USC realiza todos os anos, a comezo de curso, xornadas de acollida organizadas polo vicerreitorado con competencia en asuntos estudantís que teñen por obxecto presentar aos novos estudantes as posiblidades, recursos e servizos que lles ofrece a Universidade.
  A Facultade de Psicoloxía, pola súa banda, organiza nunha xornada de acollida aos novos estudantes o primeiro día de clase. Nela ofrécese unha presentación da Facultade, do seu equipo xestor, a biblioteca, os servizos administrativos e a organización académica do centro.
  Aos estudantes de novo ingreso en primeiro curso ofréceselles a posibilidade de incorporarense a un programa de titorías personalizadas, no cal asígnaselles un titor que os orientará ao longo da carreira.

  Aos estudantes de novo ingreso en primeiro curso ofréceselles a posibilidade de incorporarse a un programa de titorías personalizadas, no cal lles asignan un titor que os orientará ao longo da carreira. O plan de titoría implica (1) a sintura dun compromiso de seguimiento das titorías e das actividades académicas por parte do estudante e do profesor; (2) un seguimiento dirixido polo profesor/a durante o primeiro curso, cun mínimo de dúas sesións por cuadrimestre; (3) un seguimiento, a partir do segundo curso, a instancia de o/a estudante en caso daqueles con bo axuste académico, e de titorización máis directiva nos casos de fracaso académico.

  A USC ten un programa de alumnos titores para as titulacións de grao, de forma que alumnos de últimos cursos, logo dunha formación que lles facilita a Universidade, realizan tarefas de orientación aos alumnos que inician os estudos.

  Información programa alumnos titores:

  Programa alumnos titores

• Criterios de suspensión do título

  Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

  • A admisión de matrículas de novo ingreso na titulación.
  • A supresión gradual da impartición da docencia.
  • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

• Criterios de acceso e admisión

  Poden acceder a estudos de Grao aqueles estudantes que posúan os títulos, diplomas ou estudos seguintes ou otros declarados equivalentes ou homologados a estes:
  A.1. Bacharelato do Sistema Educativo Español, Bacharelato Europeo o Bacharelato Internacional.
  A.2. Bacharelato procedente de sistemas educativos de Estados membros da Unión Europea ou de otros Estados cos que se teñan subscrito acordos internacionais.
  A.3. Técnico Superior de Formación Profesional, Técnico Superior de Artes Plásticas e Diseño ou Técnico Deportivo Superior pertencente ao Sistema Educativo Español.
  A.4. Outros estudos que, nun Estado membro da Unión Europea ou noutros Estados cos que se teñan subscrito acordos internacionais en réxime de reciprocidade, acrediten os requisitos académicos esixidos en ditos Estados para acceder aos seus estudos universitarios.
  A.5. Títulos universitarios oficiais de Diplomado, Arquitecto Técnico, Enxeñeiro Técnico, Licenciado, Arquitecto, Enxeñeiro, Graduado ou Máster Universitario.
  A.6. Estudos universitarios parciais, estranxeiros ou españois.
  Tamén poderán acceder a estudios de Grao:
  B.1. Persoas maiores de vintecinco anos que superen unha proba de acceso específica.
  B.2. Persoas maiores de corenta anos con experiencia laboral ou profesional en relación cunha ensinanza universitaria.
  B.3. Persoas maiores de corenta e cinco anos que superen unha proba de acceso específica.
  Do mesmo xeito, poderán acceder a estudos de Grao:
  C.1. Persoas que estiveran en condicións de acceder á universidade segundo ordenacións do Sistema Educativo Español anteriores á Lei Orgánica 8/2013, de 9 de decembro.

A Facultade de Psicoloxía conta con 11 aulas de propósito xeral, 8 aulas de seminario con capacidade para entre 20 e 30 persoas, así como diversos laboratorios e dúas aulas de informática para a docencia.

Existen tamén outros espazos habilitados para os/as estudantes:

• Unha sala de lectura
• Salas de traballo en grupo

A Biblioteca da Facultade de Psicoloxía e C.C. da Educación conta con máis de 120 postos de lectura e acceso directo aos fondos.

1. O título de Grao en Psicoloxía pola Universidade de Santiago de Compostela ten como obxectivo a formación, a un nivel xeral e non especializado, de profesionais cos coñecementos científicos necesarios para comprender, interpretar, analizar e explicar o comportamento humano, e coas destrezas e habilidades básicas para avaliar e intervir no ámbito individual e social ao longo do ciclo vital, co fin de promover e mellorar a saúde e a calidade de vida. Todo iso desde o compromiso cos principios éticos e deontolóxicos da profesión de psicólogo.
2. O Grao proporciona, pois, as competencias profesionais básicas do psicólogo, excepto nos campos en que titulacións oficiais de nivel superior establezan competencias específicas ou especialidades reguladas.

• Competencias básicas

  Que os estudantes demostrasen posuír e comprender coñecementos nunha área de estudo que parte da base da educación secundaria xeral e normalmente seencontra a un nivel que, ben que se apoia en libros de texto avanzados, inclúe tamén algúns aspectos que implican coñecementos procedentes da vangarda do seu campo de estudo;

  Que os estudantes saiban aplicar os seus coñecementos ao seu traballo ou vocación dunha forma profesional e posúan as competencias que normalmente sedemostran por medio da elaboración e defensa de argumentos e a resolución de problemas dentro da súa área de estudo;

  Que os estudantes teñan a capacidade de reunir e interpretar datos relevantes (normalmente dentro da súa área de estudo) para emitiren xuízos que inclúan unha reflexión sobre temas relevantes de índole social, científica ou ética;

  Que os estudantes poidan transmitir información, ideas, problemas e solucións a un público tanto especializado como non especializado;

  Que os estudantes desenvolvesen aquelas habilidades de aprendizaxe necesarias para emprender estudos posteriores cun alto grao de autonomía.

• Competencias xerais

  Capacidade para comprender, interpretar, analizar e explicar o comportamento humano, así como para avaliar e intervir sobre o mesmo nos niveis individual e social ao longo do ciclo vital, para promover e mellorar a saúde e a calidade de vida. Todo iso desde o compromiso cos principios éticos e deontolóxicos da profesión de psicólogo. Especificamente, o título achega:

  Coñecemento e comprensión de:
  • As funcións, características, contribucións e limitacións dos modelos teóricos da Psicoloxía.
  • As leis básicas dos procesos psicolóxicos.
  • Os procesos e etapas do desenvolvemento psicolóxico ao longo do ciclo vital nos seus aspectos de normalidade e anormalidade.
  • Os fundamentos biolóxicos da conduta humana e as funcións psicolóxicas.
  • Os principios psicosociais que interveñen no comportamento dos individuos e no funcionamento de grupos e organizacións.
  • Os métodos e deseños de investigación e as técnicas de análise de datos propios da Psicoloxía.
  • Os métodos de avaliación, diagnóstico e tratamento psicolóxico en diferentes ámbitos aplicados da Psicoloxía -clínico e da saúde, social, educativo.

  Capacitación para:

  • Identificar as necesidades e demandas dos destinatarios en diferentes campos de aplicación e establecer as metas de actuación psicolóxica.
  • Identificar as características relevantes do comportamento dos individuos, grupos, organizacións e contextos mediante os métodos, técnicas e instrumentos propios da avaliación psicolóxica.
  • Promover a saúde e a calidade de vida, a través dos métodos propios da profesión, en individuos, grupos, comunidades e organizacións en distintos contextos: educativo, clínico e da saúde, do traballo e as organizacións, grupal e comunitario.
  • Seleccionar e administrar técnicas e instrumentos propios e específicos da Psicoloxía.
  • Definir obxectivos, elaborar o plan e seleccionar as técnicas de intervención en función das necesidades e demandas dos destinatarios, e avaliar os resultados.
  • Transmitir aos destinatarios, de forma adecuada e precisa, os resultados da avaliación.
  • Elaborar informes psicolóxicos, dirixidos aos destinatarios e a outros profesionais.
  • Axustarse ás obrigacións deontolóxicas da Psicoloxía.

• Competencias específicas

  Estas competencias básicas e xerais, concrétanse nas seguintes competencias específicas:

  CE1 - Demostrar coñecementos e comprensión das funcións, características, contribucións e limitacións dos distintos modelos teóricos da Psicoloxía.
  CE2 - Demostrar coñecementos e comprensión das leis básicas dos distintos procesos psicolóxicos.
  CE3 - Demostrar coñecementos e comprensión dos procesos e etapas principais do desenvolvemento psicolóxico ao longo do ciclo vital nos seus aspectos de normalidade e anormalidade.
  CE4 - Demostrar coñecementos e comprensión dos fundamentos biolóxicos da conduta humana e das funcións psicolóxicas.
  CE5 - Demostrar coñecementos e comprensión dos principios psicosociais que interveñen no comportamento dos individuos e no funcionamento dos grupos e das organizacións.
  CE6 - Demostrar coñecementos e comprensión dos métodos e deseños de investigación e as técnicas de análise de datos propios da Psicoloxía
  CE7 - Demostrar coñecementos e comprensión dos distintos métodos de avaliación, diagnóstico e tratamento psicolóxico en diferentes ámbitos aplicados da psicoloxía (clínico e da saúde, social, educativo).
  CE8 - Saber identificar as necesidades e demandas dos destinatarios nos diferentes campos de aplicación e establecer as metas de actuación psicolóxica.
  CE9 - Saber identificar as características relevantes do comportamento dos individuos, grupos, organizacións e contextos mediantes os métodos, técnicas e instrumentos propios da avaliación psicolóxica.
  CE10 - Saber promover a saúde e a calidade de vida, a través dos métodos propios da profesión, nos individuos, grupos, comunidades e organizacións nos distintos ámbitos e contextos: educativo, clínico e da saúde, do traballo e as organizacións, grupal e comunitaria
  CE11 - Saber seleccionar e administrar técnicas e instrumentos propios e específicos da Psicoloxía
  CE12 - Saber definir os obxectivos, elaborar o plan e as técnicas de intervención en función das necesidades e demandas dos destinatarios, e avaliar os resultados obtidos
  CE13 - Saber transmitir aos destinatarios, de forma axeitada e precisa, os resultados da avaliación
  CE14 - Saber elaborar informes psicolóxicos en distintos ámbitos de actuación, dirixidos aos destinatarios e a outros profesionais
  CE15 - Saber axustarse ás obrigas deontolóxicas da Psicoloxía

  Ademais destes coñecementos e habilidades, a formación de grao en Psicoloxía supón a adquisición dunha serie de competencias transversais:
  CT1 - Capacidade de síntese.
  CT2 - Capacidade de resolución de problemas e toma de decisións.
  CT3 - Capacidade de traballo en equipo e colaboración con outros profesionais.
  CT4 - Capacidade de autocrítica.
  CT5 - Capacidade de comunicación.
  CT6 - Capacidade de desenvolvemento e mantemento actualizado das competencias, destrezas e coñecementos propios da profesión.

Mobilidade

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):

Portal Internacional

Prácticas

Engloba as prácticas externas, e prográmase no último cuadrimestre, co obxectivo de que, unha vez adquirida unha formación académica suficiente, os e as estudantes entren en contacto coa práctica psicolóxica e, guiados por profesionais, tomen contacto co exercicio profesional da Psicoloxía. No marco desta materia, os estudantes recibirán formación relativa ao Código Deontolóxico do Psicólogo

De acordo cos obxectivos establecidos para esta materia, de carácter obrigatorio. os estudantes de Grao deberán realizar e presentar un traballo no que demostren as competencias adquiridas ao longo dos catro anos de estudos; a Facultade fará cada curso unha oferta traballos/titores. O traballo poderase desenvolver, entre outras opcións, en relación coa actividade realizada no Prácticum.