Metodoloxía da investigación e a prevención en visión

1. Por medio de metodoloxía avanzada capacitar ao alumnado para que saiba interpretar estudos publicados de relevancia para a investigación en Ciencias Visuais.
2. Que o alumnado saiba deseñar e analizar estudos poboacionais no campo das Ciencias Visuais.
3. Que o alumnado saiba realizar metaanálisis en todas as súas etapas no campo das Ciencias Visuais.

Contido teórico: Docencia virtual na que se porá a disposición do alumnado os contidos do programa teórico nunha contorna on-line que constarán de documentación escrita e presentacións audio e vídeo.
-Método científico. Tipos de hipóteses.
-Tipos de variables e escalas en investigación en Ciencias Visuais
- Cuestionarios e outros métodos de recollida de datos en Ciencias Visuais
- Nocións de epidemioloxía en Ciencias Visuais: medidas de frecuencia, medidas de efecto, deseños epidemiolóxicos, concepto de confusión e modificación de efecto, modelización.
- Procuras bibliográficas: nocións de estratexia de procura, procura libre, procura por palabras crave.
- Revisións sistemáticas en Ciencias Visuais
. Metaanálise en Ciencias Visuais: evolución, principios, ferramentas, noción de heteroxeneidade, sesgo de publicación.

Contido interactivo: Exercicios prácticos de procura bibliográfica, análise de datos, redacción de proxectos de investigación simulados. Realización dun metaanálise.

Tutorías: Tutorías personalizadas presenciais ou a distancia segundo a necesidade do alumnado, para solucionar problemas específicos.

- Piédrola Gil et al. Medicina Preventiva y Salud Publica. 12ª Edición. Barcelona: Masson, 2015.

- Ahlbom A et al. Fundamentos de epidemiología. Ed Siglo XXI. 2007.

- Johnson GJ et al. The epidemiology of eye diseases (3rd edition). London: Imperial College Press, 2012

- Manual de método epidemiológico del Instituto de Salud Carlos III: http://www.isciii.es/ISCIII/es/contenidos/fd-publicaciones-isciii/fd-do…

BÁSICAS E XENERAIS
CB6 Posuír e comprender coñecementos que acheguen unha base ou oportunidade de ser orixinais no desenvolvemento e/ou aplicación de ideas, a miúdo nun contexto de investigación.
CB9 Que os estudantes saiban comunicar as súas conclusións e os coñecementos e razóns últimas que as sustentan a públicos especializados e non especializados dun modo claro e sen ambigüidades;
CG1 Coñecer, comprender e aplicar os principios, metodoloxías e novas tecnoloxías da optometría, así como a adquisición das destrezas e competencias descritas nos obxectivos xerais do título.
CG3 Adquirir coñecementos e habilidades necesarias para a súa incorporación ao exercicio profesional especializado e á investigación no campo da Optometría.

TRANSVERSAIS
CT1Participar en debates e discusións, dirixilos e coordinalos e ser capaces de resumilos e extraer deles as conclusións máis relevantes e aceptadas pola maioría.
CT2 Utilizar as distintas técnicas de exposición oral, escrita, presentacións, paneis, etc., para comunicar os seus coñecementos, propostas e posicións.
CT3 Desenvolver capacidade crítica e autocrítica e de toma de decisións.
CT4.- Habilidade para o manexo de Tecnoloxías da Información e a Comunicación (TIC)
CT5.- Capacidade de reflexión desde distintas perspectivas do coñecemento.

ESPECÍFICAS
CE5 Coñecer, comprender e aplicar conceptos de cribaje na atención primaria visual e ocular.
CE6 Aplicar a metodoloxía e os procedementos propios da investigación científica en Ciencias da Visión

O ensino teórico e interactivo impartirase on-line. As tutorías poderán ser presenciais ou vía ferramentas telemáticas (videoconferencia) se ao alumnado élle difícil desprazarse. Utilizarase o Campus Virtual da USC como base para este ensino. O alumnado atopará a documentación, o material audiovisual e as tarefas na aula virtual. Calquera intercambio realizarase por medio da aula virtual. Non está previsto que se impartan clases presenciais.

Avaliación continua (30%). Valorarase o esforzo e progreso na aprendizaxe mediante preguntas de control (on-line) no ecuador da materia.

Exame final (70%) de tipo presencial que será de tipo test e suporá resolución de problemas.

Para os casos de realización fraudulenta de exercicios ou probas será de aplicación o recollido na "Normativa de avaliación do rendemento académico dos estudantes e de revisión de cualificacións" da USC.

- Clases teóricas (non presenciais): 12 horas.
- Preparación da actividade interactiva: 16 horas.
- Tutorías personalizadas: 4 horas
- Realización de exame: 1 hora presencial.
- Traballo autónomo: 42 horas

É fundamental que o alumnado estea ao día na preparación dos diferentes temas para o seguimento e superación da materia. O alumnado deberá realizar todas as actividades recomendadas polo profesor (resolución de problemas, revisión bibliográfica e exercicios prácticos) para poder superar con éxito a materia.

A maior parte do material docente porase a disposición do alumnado a través do Campus Virtual da USC. Pretendemos que esta plataforma sexa a principal canle de comunicación co alumnado.