- Código
- MP0243
- Tipo
- Máster de Formación Permanente
- Modalidade
- Presencial
- Duración
- 1 ano
- Créditos
- 60.0
- Curso
- 2025-2026
- Prezo
- 3.000,00€
- Centro
- Facultade de Medicina e Odontoloxía
- Dirección
-
Inmaculada Tomas Carmona
Alba Regueira Iglesias - Contacto
inmaculada.tomas [at] usc.es
Departamento / Centro Organizador
Cirurxía e Especialidades Médico-Cirúrxicas
INMACULADA TOMAS CARMONA
inmaculada.tomas [at] usc.es
Facultade de Medicina e Odontoloxía
Datas
Duración: 02/09/2025 - 30/07/2026
Preinscrición: 01/07/2025 - 28/07/2025
Matrícula: 04/08/2025 - 18/08/2025
Número alumnos/as mínimo: 2
Número alumnos/as máximo: 4
Comentarios: School of Medicine and Dentistry
Seguro obrigatorio:
20,69€ (Aos alumnos que formalicen matricula en cursos de Posgrao Propio, Formación Continua e Programa de Formación, se lles incluirá ademáis o importe do seguro obrigatorio de accidentes e asistencia en viaxe para estudantes da USC, segundo o establecido na normativa vixente (Acordo Consello Goberno 29 de xuño de 2009) e emitirase xunto coa 1ª liquidacion de matrícula. Excepto nos curso que sexan 100% virtuais, considerados estos por curso académico; e nos casos en que os alumnos teñan pagado este mesmo seguro nunha titulación da USC no presente curso académico.)
Requisitos de acceso
Graduado en Odontoloxía
Preinscrición
Pode consultar un manual do procedemento de admisión na páxina web do CEP en Arquivo ou clicando aquí
Para realizar a solicitude de admisión acceda ao seguinte enlace da secretaria virtual
https://matricula.usc.es/Posgrao/SolicitudeEstudosPropios
Acceso a preinscrición e matrícula
Sistema de selección
Dispoñibilidade horaria para realizar as actividades do Máster Currículo vitae (50%) e entrevista persoal (50%) Na entrevista avaliarase a empatía e habilidades comunicativas, especialmente na interacción cos pacientes, así como a capacidade para o traballo en equipo interdisciplinario. Tamén se valorará a motivación e vocación pola odontoloxía en persoas con diversidade funcional e medicamente comprometidos. Exporanse casos clínicos reais e hipotéticos para analizar a capacidade de adaptación e toma de decisións. Finalmente, será clave demostrar compromiso coa formación continua, a ética profesional e a humanización da atención odontolóxica.
Calendario de pagamento fraccionado
| Prazo | Importe | Data |
|---|---|---|
| 1 | 1.500,00€ | 04/08/2025 - 18/08/2025 |
| 2 | 1.500,00€ | 31/01/2026 - 10/02/2026 |
Obxectivos
1. Integrar a Saúde Oral coa Saúde Xeral para Mellorar a Calidade de Vida dos Pacientes: Comprender a interrelación entre a saúde bucodental e as patoloxías sistémicas para deseñar plans de tratamento interdisciplinarios en colaboración con outros profesionais da saúde.2. Aplicar un Enfoque Multidisciplinario Integrando as Diferentes Especialidades Odontolóxicas na Atención de Pacientes con Necesidades Especiais: Desenvolver competencias para traballar de maneira interdisciplinaria, integrando os coñecementos das distintas especialidades odontolóxicas na planificación e execución de tratamentos adaptados a pacientes con discapacidade ou enfermidades médicas complexas.
3. Aplicar Estratexias de Atención Odontolóxica Baseadas na Evidencia e nos Principios de Odontoloxía Inclusiva: Desenvolver habilidades para aplicar protocolos de tratamento apoiados pola evidencia científica, garantindo unha atención accesible e de calidade a todos os pacientes.
4. Desenvolver Habilidades de Comunicación e Atención Centrada no Paciente con Diversidade Funcional e Necesidades Específicas: Capacitar aos odontólogos no uso de estratexias de comunicación adaptadas para mellorar a experiencia do paciente con discapacidade e médicamente comprometido, garantindo unha atención humanizada e eficaz.
5. Fomentar a Investigación e o Desenvolvemento de Novos Protocolos de Atención Odontolóxica para Pacientes con Necesidades Especiais: Capacitar aos profesionais para xerar coñecemento científico e desenvolver novas estratexias terapéuticas en Odontoloxía aplicada a persoas con diversidade funcional e condicións médicas complexas.
Competencias
Para aliñar as competencias do Máster co Marco Europeo de Competencias ESCO, podemos estruturalas en competencias transversais e competencias específicas-técnicas.Competencias Transversais
Habilidades aplicables a calquera contorna profesional, esenciais para a práctica clínica avanzada.
-Traballo en equipo multidisciplinar: Colaborar con médicos, terapeutas ocupacionais, logopedas, enfermeiros e outros profesionais da saúde na atención de pacientes con necesidades especiais.
-Empatía e comunicación efectiva: Utilizar técnicas de comunicación adaptada (verbal e non verbal) para mellorar a experiencia do paciente con diversidade funcional e facilitar a interacción con coidadores.
-Toma de decisións baseada en Evidencia: Aplicar criterios clínicos e guías internacionais para adaptar tratamentos a cada paciente segundo a súa condición médica.
- Pensamento crítico e resolución de problemas: Analizar situacións complexas, como tratamentos odontolóxicos en pacientes con polimedicación ou trastornos neurodegenerativos, e expor solucións seguras e eficientes.
-Xestión do estrés e resiliencia: Manexar situacións clínicas desafiantes con autocontrol e eficacia, especialmente en pacientes con ansiedade severa, discapacidade intelectual e pacientes TEA.
- Compromiso ético e responsabilidade profesional: Aplicar principios de bioética e dereitos do paciente para garantir unha atención odontolóxica xusta e equitativa.
Competencias Específicas/Técnicas (ESCO)
Coñecementos específicos e destrezas técnicas aliñadas coas competencias recoñecidas no ámbito odontolóxico e da saúde.
-Código ESCO: 325901 - Proporcionar atención odontolóxica a pacientes con necesidades especiais: Identificar necesidades odontolóxicas en persoas con diversidade funcional e enfermidades sistémicas e aplicar protocolos de atención adaptada en contornas clínicas. Deseñar plans de tratamento coordinados con outras especialidades odontolóxicas e médicas (cirurxía maxilofacial, neuroloxía, endocrinoloxía, hematoloxía, rehabilitación).
-Código ESCO: 226010 - Aplicar medidas de prevención e promoción da saúde oral: Implementar estratexias preventivas para reducir a incidencia de enfermidades orais en pacientes con discapacidade. Desenvolver programas de educación en saúde bucodental para coidadores e familiares. Potenciar a aplicación da Odontoloxía minimamente invasiva.
-Código ESCO: 226009 - Realizar procedementos odontolóxicos complexos: Aplicar técnicas de desensibilización, comunicación aumentativa e estratexias farmacolóxicas (sedación consciente, óxido nitroso ou anestesia xeral). Adaptar técnicas cirúrxicas e restauradoras a pacientes con mobilidade reducida ou condicións médicas complexas. Crear solucións personalizadas para mellorar a función masticatoria e a calidade de vida en pacientes con alteracións craneofaciales ou neuromusculares.
-Código ESCO: 226014 - Aplicar principios de Odontoloxía baseada na Evidencia: Interpretar literatura científica e aplicar novos enfoques terapéuticos na práctica clínica. Participar en estudos de investigación sobre Odontoloxía en pacientes con necesidades especiais.
- Código ESCO: 226007 - Aplicar normativas de bioseguridade en contornas clínicas: Previr infeccións cruzadas no tratamento odontolóxico de pacientes inmunodeprimidos e cumprir coas normativas internacionais de seguridade e esterilización.
-Código ESCO: 226012 - Utilizar tecnoloxía e ferramentas dixitais en Odontoloxía: Aplicar impresión 3D, planificación dixital e software de diagnóstico para mellorar tratamentos en pacientes con diversidade funcional. Implementar a teleodontología para a avaliación e seguimento de pacientes con mobilidade reducida.
Avaliación
Aplicarase un sistema de avaliación continuada teórico-práctica no que se considerará a actitude e adquisición de coñecementos e habilidades clínicas, o tratamento e presentación de casos, así como a participación no desenvolvemento de traballos de investigación. Ademais, complementarase con avaliacións por pares, autoavaliación reflexiva, retroalimentación de pacientes ou familiares, e un portafolio de competencias. Tamén se considerará o impacto dos tratamentos na calidade de vida do paciente e o uso de ferramentas dixitais para a planificación e avaliación de casos.
Titorías
No Máster aplicaranse metodoloxías activas que integren teoría, práctica e avaliación continua. O ensino combinará Aprendizaxe Baseada en Problemas e Aprendizaxe Baseado na Evidencia, utilizando casos clínicos reais e literatura científica. Reforzaranse habilidades mediante simulación clínica con modelos, talleres de técnicas avanzadas e o uso da tecnoloxía dixital. No contacto con pacientes, aplicarase unha Aprendizaxe Baseada na Práctica Clínica cun enfoque individualizado e multidisciplinar. Utilizaranse protocolos adaptados para a avaliación clínica, con énfase na historia médica detallada, a coordinación con outros profesionais da saúde e o uso de escalas de risco. Implementarase un modelo de atención integral, que incluirá: 1) Técnicas de comunicación adaptadas, considerando pacientes con dificultades cognitivas ou da linguaxe; 2) Manexo conductual e técnicas de desensibilización, especialmente en pacientes con discapacidade intelectual ou trastornos do espectro autista; 3) Uso de sedación consciente e anestesia xeral en casos onde sexa necesario; 4) Protocolos de prevención e tratamento personalizado, priorizando estratexias minimamente invasivas e rehabilitación funcional; 5) Adaptacións clínicas e ergonómicas, asegurando accesibilidade na contorna odontolóxica; 6) Seguimento e continuidade do coidado oral, con plans de control individualizados e colaboración con familiares e coidadores. Ademais, fomentarase a investigación aplicada con estudos clínicos e revisións sistemáticas/metaanálisis. Debido ao contacto con pacientes, precísase como idiomas o castelán e o galego. O Máster incluirá titorías teóricas para reforzar coñecementos e resolver dúbidas, titorías clínicas con supervisión nas estancias clínicas, discusión de casos e simulación, titorías de investigación para guiar os traballos de investigación e titorías personalizadas para seguimento académico e orientación profesional.
10:00 horas a 20:00 horas (luns, martes, mércoles, xoves, venres)
Observacións
Axustaránse a demanda dos alumnos segundo o seguimiento dos pacientes en tratamiento clínico e os traballos de investigación de xeito consensuado
| Código | Materia | Créditos |
|---|---|---|
| 1 | Manexo Odontolóxico Integral en Pacientes con Patoloxía Infecciosa. | 5.0 |
| 2 | Manexo Odontolóxico Integral en Pacientes con Patoloxía Cardio-Respiratoria. | 5.0 |
| 3 | Manexo Odontolóxico Integral en Pacientes con Patoloxía Hepato-Renal. | 5.0 |
| 4 | Manexo Odontolóxico Integral en Pacientes con Patoloxía Endocrina e Disgestiva. | 5.0 |
| 5 | Manexo Odontolóxico Integral en Pacientes con Alteración Hematolóxica. | 5.0 |
| 6 | Manexo Odontolóxico Integral en Pacientes con Enfermidades Reumatolóxicas. | 5.0 |
| 7 | Manexo Odontolóxico Integral en Pacientes con Cancro de Cabeza e Pescozo/medicación e Osteonecrosis. | 5.0 |
| 8 | Manexo Odontolóxico Integral en Pacientes con Patoloxía Neuro-Psiquiátrica. | 5.0 |
| 9 | Manexo Odontolóxico Integral en Pacientes con Discapacidades Físicas, Psíquicas e Sensoriais. | 7.0 |
| 10 | Manexo Odontolóxico Integral en Pacientes Embarazadas. | 3.0 |
| 11 | Odontoloxía Dixital en Pacientes Médicamente Comprometidos. | 3.0 |
| 12 | Emerxencias Médicas no Gabinete Odontolóxico. | 3.0 |
| 13 | Metodoloxía da Investigación no Ámbito dos Pacientes Médicamente Comprometidos. | 4.0 |