A música como recurso didáctico e a agrobioloxía abren a Universidade de Verán da USC no Campus Terra

O Campus Terra inaugura, a semana do 12 de xuño, a Universidade de Verán da USC cos cursos ‘A música como recurso curricular en educación infantil e primaria’ e ‘A ictiofauna doceacuícola como indicadora do estado ecolóxico segundo a directiva europea marco da auga no contexto da agrobioloxía’.

Baixo a dirección de Mª Ángeles López de la Calle Sampedro y Mª del Carmen Sarceda Gorgoso, os días 12 e 13 de xuño, a Facultade de Formación do Profesorado acollerá o primeiro dos cursos nos que se celebrarán obradoiros sobre a unión de actividades musicais coa narración e o drama; o movemento como instrumento para aprender matemáticas; ou dinámicas de expresión corporal a través da música, entre outros contidos. Consulta aquí a programación completa do curso.

Pola súa parte, o Centro de Interpretación das Terras do Miño acollerá os días 13, 14 e 15 de xuño, o curso dirixido por Fernando Cobo Gradín e Tomas S. Cuesta García. No transcurso do mesmo, abordarase a diagnose do estado ecolóxico das masas de auga superficiais segundo a Directiva Marco da auga; a depuración de pequenos núcleos rurais; ou os efectos da contaminación e os usos do solo sobre as comunidades de peixes, entre outros contidos. Consulta aquí a programación completa do curso.

Preme aquí para matricularte nestes cursos. O prazo remata o 2 de xuño.