Acto académico de imposición de bandas e entrega de diplomas de convivencia na residencia universitaria Jesús Bal y Gay

A residencia universitaria Jesús Bal y Gay do Campus Terra da USC celebra este xoves 12 de abril, a partir das 21.00 horas, o acto académico de imposición de bandas aos estudantes residentes e de entrega de diplomas de convivencia ás persoas estranxeiras que residiron durante este ano académico neste centro universitario.

O vicerreitor de Coordinación do campus de Lugo, Javier Bueno Lema, presidirá este acto, no que tamén intervirá a directora da residencia universitaria Jesús Bal y Gay, Paula Vázquez Rodríguez, e o subdirector do referido centro universitario, Adrián Constela García, quen se ocupará de presentar e de facer a laudatio da persoa que recibe a ‘Beca de Honra’, Javier Prieto Pérez

Antes de proceder ao recoñecemento que o centro universitario lugués tributa ao que fora residente e subdirector da residencia universitaria Jesús Bal y Gay, Javier Prieto, a residente Tamara González Luaces intervirá como voceira da promoción de estudantes do Campus Terra da USC hospedados na residencia universitaria Jesús Bal y Gay que se despide do centro ao remate do curso 2017-2018.