Agriculture convoca premios para financiar os desprazamentos de investigadores pre e postdoutorais

A revista Agriculture, publicación científica de referencia no eido agrogandeiro, vén de convocar unha nova edición dos premios “2017 Agriculture Travel Awards”, destinados a financiar as viaxes de estudantes pre e postdoutorais que expoñan os resultados das súas investigacións en congresos celebrados entre xullo de 2017 e xuño de 2018.

As candidaturas de investigadores que vaian presentar tanto posters, comunicacións ou relatorios en congresos, serán avaliadas por un comité científico integrado por eminentes docentes no eido da agricultura. O premio para os estudantes predoutorais será de 600 francos suizos e para os postdoutorais cuxo título fose obtido a partir do 1 de xullo de 2012, a cantidade increméntase ata os 800.

As candidaturas poden presentarse no enderezo electrónico agriculture [at] mdpi.com (agriculture[at]mdpi[dot]com) ata o 31 de marzo. Preme aquí para acceder ao texto completo da convocatoria.