Capela Compostelana & Solistas actúan este luns 13 de maio ás 20.30h no Círculo das Artes de Lugo

O Círculo das Artes de Lugo acolle este luns 13 de maio ás 20.30h un concerto de Capela Compostelana & Solistas no marco do ciclo ‘Músicas a carón da Mosqueira’ pertencente ao convenio Lugo Cultural integrado por USC, Concello e Deputación de Lugo.

Este concerto de música barroca do século XVII, baixo a dirección de Miro Moreira, é unha viaxe a través de dous continentes: Europa e América. Unha mostra de como a música non litúrxica, pero si relixiosa, pode ser vehículo certeiro de evanxelización, non só en diferente idiomas, senón tamén en diferentes estilos nacionais e dirixida a diferentes culturas.