Constituída a comisión de docencia do Campus Terra da USC
O vicerreitor de Coordinación do campus de Lugo, Javier Bueno Lema, presidirá a comisión de Docencia do Campus Terra da USC, un órgano de asesoramento á gobernanza do Campus Terra en materia de...
Lugo
O vicerreitor de Coordinación do campus de Lugo, Javier Bueno Lema, presidirá a comisión de Docencia do Campus Terra da USC, un órgano de asesoramento á gobernanza do Campus Terra en materia de ensino e docencia que quedou constituído este xoves no marco dunha reunión celebrada na Vicerreitoría de Coordinación de Lugo.
Os decanos e directores das facultades e escolas universitarias da USC emprazadas en Lugo, o coordinador do programa A Ponte en Lugo, directores de departamentos, director-xerente da Fundación Rof Codina, alumnos claustrais e un representante do Hospital Lucus Agusti conforman a relación de membros que integran a comisión Docente do Campus Terra.