O Campus Terra abre o 12 de xullo o seu primeiro prazo de matrícula para grao

Logo de finalizar o prazo de solicitude de admisión para os e as estudantes que se presentaron ás Abau 2017 no mes de xuño, este martes 11 de xullo publicarase a primeira listaxe de alumnado admitido, o cal deberá formalizar a súa matrícula os días 12, 13 e 14 de xullo (ata as 14:00 horas) premendo neste enlace. Será no propio formulario de matrícula onde se indicará o desexo de acollerse ao desconto do 50% da matrícula que oferta a Deputación Provincial de Lugo.

O 18 de xullo publicarase a segunda listaxe de admitidos e a matrícula poderá realizarse os días 19, 20 e 21 do mesmo mes (ata as 14:00 horas). Finalmente, o 26 de xullo publicarase outra listaxe, abríndose o prazo de matrícula entre o 27 e o 31 do mesmo mes (ata as 14:00 horas). No mes de setembro abriranse novos prazos que podes consultar neste enlace. Lembra que o teu futuro pasa por Lugo!