Toni Jodar explica a danza moderna e contemporánea este mércores 11 de abril en Veterinaria

O Auditorio da Facultade de Veterinaria do Campus Terra da USC acolle este mércores 11, a partir das 20.30h, unha conferencia bailada a cargo de Toni Jodar quen afondará na danza moderna e contemporánea.

Esta acción enmárcase dentro do Lubicán, un programa impulsado ao abeiro do convenio Lugo Cultural asinado por USC, Concello e Deputación de Lugo. Lubicán é un ciclo que intenta potenciar a presentación dos novos traballos vinculados á música galega.