Últimos días para participar no programa Ignicia
O Programa Ignicia da Axencia Galega de Innovación, o cal alberga como obxectivo primordial seleccionar e apoiar os proxectos de investigación que se atopan nun estado de madurez tecnolóxica que xa superou a fase de investigación fundamental, pero requiren dun impulso que permita a validación da tecnoloxía e a posterior transferencia ao mercado dos resultados, está a recibir as súas derradeiras solicitudes. Os proxectos que cumpran as condicións para participar nesta convocatoria terán de prazo para subir á plataforma da Xunta a documentación necesaria ata o 29 de setembro, pero con anterioridade, ata o 22 de setembro, deben enviar á Área de Valorización, Transferencia e Emprendemento (AVTE) da USC as expresións de interese para a avaliación da adecuación do proxecto. Podes contactar coa AVTE (Edificio Emprendia) no correo avte [at] usc.es (avte[at]usc[dot]es) ou nos teléfonos 881-815541 ext.15541; 982-822854 ext. 22854).