Escola Técnica Superior de Enxeñaría
Aula IA-0.1, edificio Emprendia.
Alberto Suárez Garea, Juan Carlos Pichel Campos, Juan Carlos Vidal Aguiar
AdaByron é un concurso universitario de programación dirixido ao alumnado matriculado nas titulacións de informática das universidades públicas. Nesta edición de Ada Byron Galicia, a ETSE será a sede do estudantado dos graos en Enxeñaría Informática e en Intelixencia Artificial.
Para máis información, pode consultarse a páxina: https://ada-byron.es/2025/reg/
A inscrición no evento é de balde para todas as persoas participantes do Grao en Enxeñaría Informática (GrEI) e do Grao en Intelixencia Artificial (GrIA). O luns 21 de abril confirmaráselles aos equipos inscritos a posibilidade de participar. A continuación recóllense as normas de inscrición no concurso.
-
Só poderán participar estudantes que cursen algún dos graos impartidos nos tres centros organizadores. A organización poderá solicitar a acreditación de estudante mediante un listado das materias matriculadas durante o curso 2024-2025.
-
A inscrición realizarase por equipos. Un equipo estará formado por tres alumn@s da mesma universidade, aínda que poden pertencer a graos (ou itinerarios) diferentes.
-
Os equipos serán situados na categoría correspondente en función da materia máis avanzada na que estean matriculad@s os seus membros.
-
A organización xestionará a admisión dos equipos da forma que considere máis axeitada. Dependendo da cantidade de estudantes interesad@s poderá empregarse unha estratexia FIFO, un sorteo, ou un criterio de reparto por cursos.
Moito ánimo e moita sorte no concurso!