Escola Técnica Superior de Enxeñaría
Aula IA-01, Edificio Emprendia
Alberto Bugarín Diz, gria.coordinacion@usc.gal
Alberto Suárez Garea, jorge.suarez.garea@usc.es
#AltiaTechDay é un programa composto por unha serie de obradoiros cos que Altia pretende achegar os seus coñecementos en tecnoloxías avanzadas aos futuros profesionais do sector, co obxectivo de potenciar o talento e completar a formación en tecnoloxías novidosas coas que actualmente se traballa en proxectos reais.
Tradicionalmente, os modelos de intelixencia artificial xeran respostas baseadas nos datos cos que foron desenvolvidos, sen capacidade para acceder a información nova. RAG (Retrieval-Augmented Generation) transforma esta limitación ao permitir que a IA consulte bases de datos, documentos e fontes externas en tempo real, mellorando a precisión e relevancia das súas respostas.
Nesta charla, Nerea Freiría (Data Scientist & AI | ALTIA) explorará a evolución dos chatbots, desde os primeiros modelos que só responden con información predefinida ata os máis avanzados con RAG, capaces de recuperar e procesar información dinámica. Analizará os fundamentos e tecnoloxías que fan posible este avance e as súas aplicacións en distintos sectores, como a saúde, a investigación e a atención ao cliente.