Ir o contido principal
Este portal emprega cookies propias ou de terceiros con fins analíticos, así como ligazóns a portais de terceiros para poder compartir contido nas redes sociais. Pode obter máis información na <a href="https://assets.usc.gal/gl/aviso-legal">política de cookies</a>.

Grao en Comunicación Audiovisual (3ª edición)

Modalidade
Presencial
Rama de coñecemento
Ciencias Sociais e Xurídicas
Ámbito de coñecemento
Periodismo, comunicación, publicidad y relaciones públicas.
Centro(s)
Facultade de Ciencias da Comunicación
Avda de Castelao, s/n. Campus norte, 15782
Santiago de Compostela
881816500 (Conserxaría)
881816555 (Decanato)
cc.comunicacion.decanato@usc.gal
Campus
Santiago de Compostela

A titulación de grao en Comunicación Audiovisual atende á formación universitaria inicial dun ámbito de coñecemento científico e académico e dun campo de exercicio profesional consolidado e amplamente extendido, tanto no Estado español como noutros países de referencia, europeos e americanos.

  • Duración: 4 anos académicos
    Código RUCT: 2501107
    Número de ECTS: 240
    Número prazas: 50

    Decano/a ou director/a do centro:
    ANA ISABEL RODRIGUEZ VAZQUEZ
    anaisabel.rodriguez.vazquez@usc.es

    Coordinador-a do título:
    Enrique Castello Mayo
    enrique.castello@usc.es

    Linguas de uso:
    Castelán, Galego

    Nivel MECES: 2

    Universidade coordinadora:
    Universidade de Santiago de Compostela

    Universidade(s) participante(s):
    Universidade de Santiago de Compostela

    Data da autorización de implantación do título pola Xunta de Galicia:
    Decreto 385/2009 do 27 agosto (DOG 16/09/09)

    Data de publicación no BOE:
    17/12/2024

    Data da última acreditación:
    17/12/2019

  • O título presenta un plan de estudos de 240 ECTS en catro cursos de 60 ECTS. As materias, organizadas en módulos, son de 6 ECTS cada unha fóra das prácticas externas (12 ECTS) e o traballo de fin de grao (12 ECTS).
    • Formación básica: 60
    • Obrigatorias: 132
    • Optativas: 36
    • Traballo fin de Grao: 12
    o Total: 240

  • As materias do grao distribúense nos seguintes módulos:
    • Análise dos discursos audiovisuais e dos seus efectos sociais
    • Escritura e expresión oral: adecuación do seu uso aos medios de comunicación sonoros e audiovisuais
    • Estrutura e políticas de comunicación audiovisual
    • Industrias culturais e movementos estéticos contemporáneos
    • Organización e produción audiovisual e multimedia
    • Prácticas en empresas audiovisuais
    • Procesos de ideación e narrativa audiovisual
    • Técnicas e procesos creativos de produción, realización e postprodución
    • Tecnoloxías dos medios audiovisuais e multimedia
    • Teoría e historia dos medios audiovisuais e multimedia
    • Traballo de fin de grao
    Ofrécense dúas mencións a modo de itinerario específico en dúas liñas:
    • Mención en Estratexia, Análise e Xestión Audiovisuais
    • Mención en Ideación e Creación de Contidos Audiovisuais
    Cada unha con 6 materias optativas e un traballo fin de grao específico. Para obter a mención, débese completar o itinerario optativo correspondente no terceiro e cuarto curso.
    Non é obrigatorio cursar unha mención, polo que o alumnado pode matricularse das materias optativas libremente entre as ofertadas no título.

  • Os principais obxectivos formativos do Grao en Comunicación Audiovisual apuntan a unha capacitación ampla e exhaustiva nas distintas rutinas profesionais relativas á preprodución, produción, postprodución e difusión da obra audiovisual, incentivando o potencial creativo e estratéxico do alumnado, así como unha capacitación no estudo, crítica e análise do feito audiovisual, xerando así perfís especializados e susceptibles de imbricarse en calquera nivel ou etapa da cadea de valor e análise da obra audiovisual.
    Obxectivos formativos das mencións
    Mención en Estratexia, Análise e Xestión Audiovisuais:
    Os obxectivos formativos da mención apuntan a unha especialización na teoría, crítica e análises audiovisuais, así como naqueles aspectos da representación audiovisual vinculados coas políticas de comunicación, a autoría ou a perspectiva de xénero, incidindo así mesmo nos aspectos máis estratéxicos da promoción e xestión dos eventos audiovisuais.
    Mención en Ideación e Creación de Contidos Audiovisuais:
    Os obxectivos formativos da mención apuntan a unha especialización na ideación e creación de contidos sonoros e audiovisuais nos ámbitos da animación, a gamificación e os novos formatos multimedia, documentais e obras de non-ficción, incidindo nos seus aspectos máis creativos, expresivos, tecnolóxicos, produtivos e de dirección e posta en escena.

  • Mobilidade

    A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):
    https://www.usc.gal/gl/servizos/area/internacional

    Prácticas

    A Facultade organiza anualmente dúas convocatorias públicas de prácticas en empresas para os alumnos de grao, distribuíndose ao longo do curso académico en dous períodos: de novembro a marzo e de abril a agosto.
    O programa de prácticas da Facultade oferta unicamente prácticas remuneradas, tanto curriculares como extracurriculares.
    A listaxe de convenios vixentes na Facultade pódese consultar no espazo de Prácticas do sitio web:
    https://www.usc.gal/es/centro/facultad-ciencias-comunicacion/practicas
    Finalizado o proceso de selección, envíase a relación do alumnado seleccionado á Unidade de Xestión Académica, con indicación do prazo establecido para a matrícula das prácticas.
    A cada estudante asígnaselle un/a titor/a académico/a, e cun/a titor/a externo/a na entidade colaboradora onde realiza as prácticas.
    Terán unha duración de 300 horas ou máis e figurarán como créditos extracurriculares no Suplemento Europeo ao Título, de acordo coa seguinte equivalencia: 1 crédito = 25 horas (máximo 30 créditos).
    Os créditos obtidos por esta vía non contabilizan para a obtención do título académico oficial. Polo demais, a xestión destas prácticas realízase de modo idéntico á xestión das prácticas curriculares. Así, as dúas convocatorias anuais de prácticas que realiza o centro levan a cabo conxuntamente para ambos tipos de prácticas.

  • O Centro organiza e xestiona os Traballos de Fin de Grao (12 ECTS) do alumnado garantindo a súa calidade, recoñecemento académico e aproveitamento.
    Os TFG teñen, así mesmo, un/a titor/a que asiste ao estudantado na realización do traballo e que forma parte do PDI das áreas que imparten docencia na titulación. A asignación dos titores aos estudantes, a liña temática do traballo e a avaliación farase conforme ao que establece o regulamento do TFG da USC. A defensa pública do traballo require o informe previo e preceptivo do/a titor/a e o alumnado depositará o TFG no Centro, de acordo coa normativa xeral e coa guía docente da materia. A cualificación é pública e trasládase, unha vez é definitiva, ao expediente do alumnado.

Os contidos desta páxina actualizáronse o 31.07.2024.