Actualidad

O grupo Farmatox, con sede na Facultade de Veterinaria da USC, que coordina o catedrático Luis M. Botana, desenvolve novos métodos de detección e eliminación de toxinas e activa a creación dunha base de datos con máis de 900 micotoxinas emerxentes co proxecto AGRITOX, un programa Interreg Atlantic Area financiado con dous millóns e no que participaron investigadores de cinco países

O divulgador científico Manuel Vicente salienta a “capacidade hipnótica da ciencia” na apertura do XI Campus de Verán XuvenCiencia, un programa de convivencia e experimentación científica que ofrece a 95 estudantes de ensino secundario, Bacharelato e Formación Profesional a posibilidade de achegarse durante unha semana de xeito divertido á I+D a través de 16 obradoiros e múltiples actividades de lecer

O galardón outorgado por ‘Animal’s Health’ recoñece a catedrática do Departamento de Patoloxía Animal da USC no Campus Terra como “gran exemplo do importante cometido da veterinaria na seguridade alimentaria e na saúde pública”

A nova ferramenta desenvolvida por un consorcio europeo liderado polo CSIC no marco do proxecto Interreg ‘Sea Traces’, e en cuxa creación colaborou grupo Acuigen do Campus Terra da USC co centro tecnolóxico Azti, permite distinguir con alta precisión a orixe xeográfica dos mexillóns cultivados en Galicia

A profesora na Facultade de Veterinaria da USC e directora científica do Centro de Biomedicina e Veterinaria (Cebiovet) da Fundación Rof Codina incorpórase á comisión de expertos AESAN responsable de velar pola seguridade alimentaria, así como de avaliar e identificar posibles riscos emerxentes neste ámbito

A innovación alimentaria e as funcionalidades de diversos ingredientes e aditivos centraron a primeira xornada dun programa de transferencia que remata este venres cun coloquio sobre a estratexia das empresas para desenvolver novos produtos

O prazo de presentación de candidaturas permanecerá aberto desde o 1 de xuño ata o 20 de xullo. As bolsas terán unha duración de 4 meses, entre setembro e decembro de 2023, e a solicitude das achegas debe formalizarse a través sede electrónica da USC

O estudo publicado na revista 'One Health', está desenvolvido por persoal investigador da área de Microbioloxía da USC xunto coa Universidade de Copenhague e o Hospital Central de Asturias

Unha delegación da Universidade de Tras os Montes Alto Douro, encabezada polo reitor Emídio Ferreira dos Santos, visita o Campus Terra da USC para incentivar a mobilidade interuniversitaria, avanzar no deseño de programas de doutoramento conxunto, ademais de para perfilar a candidatura dun proxecto Interreg sobre dixitalización da historia clínica veterinaria liderado pola Fundación Rof Codina e explorar outras convocatorias competitivas no marco do programa Horizonte Europa

Un grupo de investigadores do Laboratorio de Referencia ‘E. coli’ da Facultade de Veterinaria do Campus Terra da USC, encabezados pola profesora Azucena Mora, desenvolverá para a Axencia Española de Medicamentos e Produtos Sanitarios traballos de técnicas microbiolóxicas para a caracterización xenotípica e fenotípica de resistencias en cepas de ‘E. coli’ illadas en procesos entéricos en coellos

O grupo de investigación Farmatox da USC, coordinado polo catedrático da área de Farmacoloxía na Facultade de Veterinaria Luis Miguel Botana, participa xunto con outras entidades europeas no programa de formación de doutores para desenvolver métodos de control, mitigación e avaliación de riscos das biotoxinas