Ciclo de conferencias na Facultade de Formación do Profesorado

A Facultade de Formación do Profesorado acolle ao longo dos meses de outubro e novembro, no seu Salón de Actos, un diverso programa de charlas destinadas ao seu alumnado de terceiro e cuarto curso:

• Mércores 24 de outubro, ás 19:00h: "A violencia de xénero", por Marta Rodríguez Engroba (presidenta da Asociación "Si, hai saída"), e Sergio Orduña Alonso (xuíz titular do xulgado de instrución nº 3 e responsable dos casos de violencia de xénero). Para o alumnado de 3º curso do Grao en Mestra ou Mestre de Educación Primaria, na materia Prácticum I.

• Luns 29 de outubro, ás 17:30h: "As prácticas na construción da identidade docente", por Emilio Joaquín Veiga Río, director do Centro de Formación e Recursos de A Coruña. Para o alumnado do de 3º curso do Grao en Mestra ou Mestre de Educación Infantil e do Dobre Grao en Mestra ou Mestre de Educación Infantil e Educación Primaria, na  materia Prácticum I.

• Mércores 31 de outubro, ás 19:00h: "O traballo por proxectos nas aulas de Educación Primaria", por Mª Dolores Freire Fernández, directora e mestra do CEIP Rosalía de Castro. Para o alumnado de 3º curso do Grao en Mestra ou Mestre de Educación Primaria, na materia  Prácticum I.

• Xoves 15 de novembro, ás 16:00h: "Poñéndoos os lentes. Prevención da violencia sexual contra a infancia. Un de cada cinco". Campaña do Consello de Europa para a prevención da violencia sexual contra a infancia. Impartida por AMINO (entidade sen ánimo de lucro formada por profesionais de diferentes ámbitos, que traballan na prevención, detección e asesoramento na intervención de situacións de maltrato á infancia e adolescencia). Para o alumnado de 4º curso do Grao en Mestra ou Mestre de Educación Infantil e Educación Primaria, na materia Prácticum III.