Alumnado obxectivo: Estudantes da EDIUS. Requírese dispoñer de coñecementos previos sobre o uso de SPSS e, en particular, sobre correlación e regresión lineal (simple e múltiple)
Localización
Santiago
Modalidade
Presencial
Duración
Horas presenciais: 10
Total: 10
Matrícula na actividade
04/03/2025 - 11/03/2025
Desenvolvemento da actividade
18/03/2025 - 19/03/2025
Profesor/a externo/a
Juan José Igartua Perosanz
| Grupo | Lugar | Datas | Horario |
|---|---|---|---|
| Introducción al análisis de la mediación, moderación y mediación moderada con la macro PROCESS para | Facultade de Ciencias Económicas e Empresariais, Aula de Informática 3 | 18 e 19 de marzo de 2025 | de 9 a 14 horas |
- O curso está dirixido a mellorar a formación metodolóxica e facilitar o desenvolvemento de competencias relacionadas co manexo de técnicas avanzadas de análise de datos e, en particular, sobre o uso de PROCESS para efectuar análise de mediación, moderación e mediación moderada.
- Espérase que o desenvolvemento de competencias sobre o uso de PROCESS teña unha repercusión directa na forma de enfrontar a investigación, en tanto que as técnicas analíticas non son “simples ferraentas” para afrontar a investigación. A adquisición de competencias sobre unha nova técnica de análises de datos permite plantexarse preguntas teóricas coa maior profundidade e complexidade, elaborar explicacións teóricas máis sofisticadas que permitan responder a novas preguntas ou responder a vellas preguntas con ferramentas axeitadas de análises.
- Definición de conceptos básicos: mediación, moderación e mediación moderada. Xustificación e uso das técnicas de análise de mediación, moderación e mediación moderada.
- A macro PROCESS para SPSS. Aspectos básicos de funcionamento do cadro de diálogo PROCESS. Posibilidades analíticas con PROCESS (plantillas ou modelos para a análise).
- A análise da mediación co PROCESS. Efecto total, efecto directo e efecto indirecto. O método de inferencia estadística baseado en Bootstrapping. Diagramas conceptuais e estatísticos na análise da mediación. A análise da mediación simple e a análise da mediación múltiple (modelos 4 e 6). A análise de mediación con variables independentes multicategóricas. Sistemas de codificación para variables multicategóricas.
- A análise da moderación co PROCESS. A análise da interacción estatística co PROCESS. O concepto de efecto condicional. As técnicas “pick-a-point” e “Johnson-Neyman”. Visualización gráfica do efecto de interacción. Diagramas conceptuais e estatísticos na análise da moderación. A análise da moderación simple (Modelo 1).
- A análise dos procesos condicionais co PROCESS. O concepto de efecto indirecto condicional. O índice de mediación moderada. Diagramas conceptuais e estatísticos na análise da mediación moderada. A análise da mediación moderada (modelo 7).
- O comando PROCESS: análise de mediación, moderación e mediación moderada coa sintaxe. Editar e construír modelos co comando PROCESS. Os subcomandos os comandos /BMATRIX, /WMATRIX, /ZMATRIX y /WZMATRIX.
Juan José Igartua Perosanz é Doutor en Psicología (UPV, 1996) e Catedrático de Universidade da área de Comunicación Audiovisual e Publicidade na Universidade de Salamanca desde 2009. É director do Observatorio de los Contenidos Audiovisuales (OCA), Grupo de Investigación Recoñecido da Universidade de Salamanca e Unidade de Investigación Consolidada (UIC 313) de Castela e León. É membro da “Academia Europea: The Academy of Europe”, na Sección “Film, Media and Visual Studies”. Recibiu o Premio María de Maeztu á Excelencia Científica da Universidade de Salamanca en 2004.
O seu campo de especialización é a Psicoloxía dos Medios de Comunicación (Media Psychology) e os Métodos de investigación en Ciencias Sociais e en Medios de Comunicación (Research Methods in Social Sciences and Communication). As súas liñas de investigación céntranse nos procesos e efectos mediáticos, persuasión narrativa, teoría do entretemento mediático, comunicación para a saúde, encadres noticiosos, e medios de comunicación e inmigración.