As patentes como elemento de valor estratéxico: Ciencias e Enxeñarías

Alumnado obxectivo: Estudantes da EDIUS de Ciencias e Enxeñerías. Motivación do curso Ao longo da vida profesional dun investigador, un científico ou un empregado con formación en ciencias, o contacto con patentes será continuado. Como investigador, as patentes son unha fonte de información moi valiosa e é esperable que un investigador utilice os documentos de patentes coa mesma soltura que utiliza a literatura científica, e poida localizar a información que necesita sen perderse no contido do documento completo. Como empregado, o coñecemento de patentes pode supoñer nalgúns casos unha diferenciación ventaxosa no posto de traballo. E en calquera caso, coñecer o sistema de patentes é fundamental para comprender a estratexia empresarial e os obxectivos propostos pola empresa. Como profesional con formación científica, as patentes poden ser o centro da súa carreira profesional, como axente de patentes, examinador ou mesmo no departamento de propiedade industrial dunha empresa. Metodoloxía Clases expositivas en castelán nas que se empregarán exemplos para a mellor comprensión dos conceptos. Os contidos do curso están basados na práctica europea, comentando aquelas particularidades da lexislación española que sexan de aplicación. Os contidos de cada sesión enviaranse sempre con antelación para o mellor aproveitamento (en inglés ou castelán según demanda do alumno/a). Proporcionaranse exercicios en inglés e faranse exercicios en grupo para poñer en práctica os coñecementos adquiridos. Traballo persoal final no que o alumno/a reflectirá os coñecementos e habilidades adquiridas