Torneo Universitario de Discursos

A Asociación Más Debate convídavos a participar no Torneo Lugo Debate na súa categoría de discursos. O torneo é unha oportunidade para mellorar as vosas habilidades de oratoria e achegarvos ás competicións de debate universitario.

A competición, que conta coa colaboración do Campus de Lugo, desenvolverase en tres fases:

Fase preliminar: semana do 10 de febreiro, na cidade de Lugo. 16 estudantes universitarios deberán demostrar as súas dotes de oratoria mediante a realización dun discurso de tres minutos de tema libre. Os discursos serán gravados e un xurado profesional escollerá os 10 discursos máis destacados.

Fase de voto popular: os 10 discursos seleccionados serán publicados na rede para sumar o voto do público. Mediante a media ponderada entre a votación do xurado e a do público escolleranse os catro oradores finalistas.

Fase final: celebrarase o día 5 de abril na cidade de Lugo en horario de mañá, no marco das finais das categorías de debate de secundaria e bacharelato. Os oradores finalistas recibirán con tres semanas de anterioridade tres temas posibles e nos minutos previos a exposición sortearase o tema de cada participante. O discurso máis destacado será o gañador do torneo e recibirá un trofeo confeccionado por Artesanía de Galicia.

A participación no torneo é gratuíta e todos os participantes recibirán formación de expertos en oratoria e comunicación durante a súa preparación.

Inscrición: https://forms.gle/5NehAfMCer7TaVvj8