Grao en Farmacia (2ª edición)

Para alumnos procedentes de Bacharelato ou equivalente cursar a opción de Ciencias e Tecnoloxía do Real Decreto 243/2022, do 5 de abril, polo que se establecen a ordenación e os ensinos mínimos do Bacharelato.
Para estudantes procedentes doutros sistemas educativos e outras titulacións, recoméndase posuír coñecementos e capacidades similares ás esixibles no bacharelato nas seguintes materias: Química, Física, Matemáticas e Bioloxía.

1.- O alumnado de primeiro curso por primeira vez a tempo completo ten que matricular 60 créditos. Un 15% do alumnado poderá cursar estudos a tempo parcial (30 créditos).
2.- Continuación de estudos: libre cun máximo de 75 créditos.

A USC realiza todos os anos, a comezo de curso, xornadas de acollida organizadas polo vicerreitorado con competencia en asuntos estudantís, que se desenvolven na primeira quincena do curso en todos os centros universitarios, e que teñen por obxecto presentar aos novos estudantes as posibilidades, recursos e servizos que lle ofrece a Universidade.
A nivel particular a Facultade de Farmacia a través da súa páxina web mantén informados a todos os colectivos implicados.
https://www.usc.gal/es/centro/facultad-farmacia

Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:
• A admisión de matrículas de novo ingreso na titulación.
• A supresión gradual da impartición da docencia.
• Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

As probas de acceso ás tres universidades galegas (Avaliación de Bacharelato para o acceso á Universidade (ABAU) e para persoas maiores de 25 e 45 anos) están organizadas pola Comisión Interuniversitaria de Galicia (CIUG). Para solicitar praza, o alumnado debe cumprir algúns dos seguintes requisitos de acceso establecidos no artigo 3 do RD 412/2014:
• Ter un título de bacharelato ou equivalente e superar a proba de acceso á universidade.
• Cumprir os requisitos esixidos para o acceso á universidade nos sistemas educativos de Estados membros da Unión Europea ou de outros Estados cos que España teña subscrito acordos internacionais nesta materia.
• Ter superada a proba de acceso á universidade para maiores de 25 anos, para maiores de 40 anos con experiencia laboral ou profesional ou a proba para maiores de 45 anos.
• Posuír un título de técnico superior de formación profesional, ensino de artes plásticas e deseño ou de técnico deportivo superior, ou títulos equivalentes.
• Ter un título universitario oficial de grao, máster ou un título dos correspondentes á anterior ordenación do ensino universitario (diplomado universitario, arquitecto técnico, licenciado, arquitecto, enxeñeiro) ou títulos equivalentes.
• Ter cursados estudos universitarios parciais estranxeiros ou españois, ou que, ó finalizar os estudos universitarios estranxeiros, non teñan obtido a súa homologación en España e queiran continuar estudos nunha universidade española. Neste suposto, será requisito indispensable que a universidade correspondente recoñeza a lo menos 30 créditos ECTS.
• Estar en condicións de acceder á universidade segundo ordenacións educativas anteriores á Lei Orgánica 8/2013, non incluídas nos apartados anteriores.
De maneira xeral existen as seguintes vías de acceso á Universidade:
• Proba de acceso á universidade (ABAU): Unha vez terminado o bacharelato, para poder acceder a un grao universitario débese superar a Avaliación de Bacharelato para o acceso á Universidade.
https://ciug.gal/gal/abau

• Acceso desde a Formación Profesional: Se se dispón dun título oficial de técnico superior de formación profesional, de técnico superior de artes plásticas e deseño ou de técnico deportivo superior, ou títulos, diplomas ou estudos declarados equivalentes ou homologados no sistema educativo español, pódese acceder a estudar unha titulación de grao na universidade. As solicitudes ordenaranse segundo a nota media do título de técnico superior realizado sobre un máximo de 10. Se se desexa mellorar a nota de admisión aos estudos de grao, pódese facer a proba da parte voluntaria da ABAU.
https://www.usc.es/export9/sites/webinstitucional/gl/servizos/oiu/desca…
• Proba de acceso para maiores de 25 anos: Poden facer esta proba as persoas que sexan maiores de 25 anos de idade no ano en que se celebre a proba e que non teñan ningunha titulación académica que dea acceso á universidade por outra vía.
• Maiores de 45 anos: Os maiores de 45 anos de idade poden estudar titulacións oficiais de grao despois de superar unha proba de acceso adaptada.
• Acceso maiores de 40: mediante validación da experiencia laboral.
O acceso de maiores de 40 anos ao Grao en Farmacia mediante validación da experiencia profesional deseñouse considerando os perfís profesionais idóneos e a entrevista de carácter persoal.
O nivel de cualificación profesional esixido ao solicitante será o correspondente ás cualificacións profesionais das familias profesionais e niveis do Catálogo Nacional de Cualificacións Profesionais (CNCP), elaborado polo Instituto Nacional das Cualificacións (INCUAL).
Por parte da Universidade estableceuse a seguinte relación de familias profesionais e niveis con acceso ao Grao en Farmacia:
Relación de familias profesionais e niveis con acceso ao grao
Sanidade: Niveis 2 e 3

Comp 01. - Capacidade de análise e síntese.
Comp 02. - Capacidade de organizar e planificar.
Comp 03. - Comunicación oral e escrita na propia lingua.
Comp 04. - Coñecemento dunha segunda lingua.
Comp 05. - Habilidades básicas de manexo do computador.
Comp 06. - Habilidades de xestión da información (habilidade para buscar e analizar información proveniente de fontes diversas).
Comp 07. - Resolución de problemas.
Comp 08. - Toma de decisións.
Comp 13. - Capacidade de traballar nun equipo interdisciplinar.
Comp 10. - Capacidade crítica e autocrítica.
Comp 11. - Traballo en equipo.
Comp 12. - Habilidades interpersoais.
Comp 14. - Capacidade para comunicarse con expertos doutras áreas.
Comp 15. - Apreciación da diversidade e multiculturalidade.
Comp 21. - Capacidade para adaptarse a novas situacións.
Comp 16. - Habilidade de traballar nun contexto internacional.
Comp 17. - Compromiso ético.
Comp 18. - Capacidade de aplicar os coñecementos na práctica.
Comp 19. - Habilidades de investigación.
Comp 20. - Capacidade de aprender.
Comp 25. - Habilidade para traballar de forma autónoma.
Comp 22. - Capacidade para xerar novas ideas (creatividade).
Comp 23. - Liderado.
Comp 24. - Coñecemento de culturas e costumes doutros países.
Comp 26. - Deseño e xestión de proxectos.
Comp 27. - Iniciativa e espírito emprendedor.
Comp 28. - Preocupación pola calidade.
Comp 29. - Motivación de logro.
Comp 30. - Presentación e Defensa perante o Tribunal universitario dun proxecto fin de grao, consistente nun exercicio de integración dos contidos formativos recibidos e as competencias adquiridas.

H/D 01. - Intervir nas actividades de promoción da saúde, prevención de enfermidade, no ámbito individual, familiar e comunitario, cunha visión integral e multiprofesional do proceso saúde-enfermidade.
H/D 02. - Deseñar, aplicar e avaliar reactivos, métodos e técnicas analíticas clínicas, coñecendo os fundamentos básicos das análises clínicas e as características e contidos dos ditames de diagnóstico de laboratorio.
H/D 03. - Avaliar os efectos toxicolóxicos de substancias e deseñar e aplicar as probas e análises correspondentes.
H/D 04. - Desenvolver análises hixiénico-sanitarias, especialmente as relacionadas cos alimentos e medio ambiente.
H/D 05. - Desenvolver habilidades de comunicación e información, tanto orais como escritas, para tratar con pacientes e usuarios do centro onde desempeñe a súa actividade profesional.
H/D 06. - Promover as capacidades de traballo e colaboración en equipos multidisciplinares e as relacionadas con outros profesionais sanitarios.
H/D 07. - Seleccionar as técnicas e procedementos apropiados no deseño, aplicación e avaliación de reactivos, métodos e técnicas analíticas.
H/D 08. - Levar a cabo procesos de laboratorio estándar incluíndo o uso de equipos científicos de sínteses e análises, instrumentación apropiada incluída.
H/D 09. - Estimar os riscos asociados á utilización de substancias químicas e procesos de laboratorio.
H/D 10. - Deseñar experimentos en base a criterios estatísticos.
H/D 11. - Avaliar datos científicos relacionados cos medicamentos e produtos sanitarios. Utilizar a análise estatística aplicada ás ciencias farmacéuticas.
H/D 12. - Desenvolver habilidades relacionadas co uso dos efectos beneficiosos das plantas medicinais e comprender os riscos sanitarios asociados co seu mal uso.
H/D 13. - Estimar os riscos biolóxicos asociados á utilización de substancias e procesos de laboratorios implicados.
H/D 14. - Comprender a relación entre o ciclo de vida dos axentes infecciosos e as propiedades dos principios activos.
H/D 15. - Desenvolver habilidades para identificar dianas terapéuticas e de produción biotecnolóxica de fármacos, así como de uso da terapia xénica.
H/D 16. - Deseñar, optimizar e elaborar as formas farmacéuticas garantindo a súa calidade, incluíndo a formulación e control de calidade de medicamentos, o desenvolvemento de fórmulas maxistrais e preparados oficinais.
H/D 17. - Aplicar o control de calidade de produtos sanitarios, dermofarmacéuticos e cosméticos e materiais de acondicionamento.
H/D 18. - Desenvolver análises hixiénico-sanitarias (bioquímica, bromatológica, microbiológicas, parasitológicas) relacionadas coa saúde en xeral e cos alimentos e medio ambiente en particular.
H/D 19. - Promover o uso racional do medicamento e produtos sanitarios.
H/D 20. - Adquirir as habilidades necesarias para poder prestar consello terapéutico en farmacoterapia e dietoterapia, así como consello nutricional e alimentario aos usuarios dos establecementos nos que presten servizo.
H/D 21. - Avaliar os efectos toxicolóxicos de substancias e deseñar e aplicar as probas e análises correspondentes.
H/D 22. - Organizar e xestionar o funcionamento dunha oficina de farmacia.
H/D 23. - Xestionar os medicamentos.
H/D 24. - Conservación, custodia, dispensación e distribución racional dos medicamentos e outros produtos farmacéuticos.
H/D 25. - Elaborar fórmulas maxistrais e preparados oficinais.
H/D 26. - Proporcionar atención farmacéutica aos pacientes.
H/D 27. - Realizar farmacovixiancia.
H/D 28. - Realizar a facturación dunha Oficina de Farmacia, no seu caso.
H/D 29. - Saber utilizar correctamente as fontes de información científica, incluíndo as que se atopan en lingua inglesa.
H/D 30 - Ser capaz de analizar e sintetizar a información básica tanto en lingua castelá como en lingua inglesa e resumila de forma correcta e intelixible.
H/D 31 - Ser capaz de estruturar, desenvolver e resumir un traballo sobre un aspecto específico da profesión.
H/D 32 - Ser capaz de expoñer oralmente de forma clara e sintética un informe sobre un aspecto xeral ou concreto da profesión e defendelo publicamente.

Con 01 - Identificar, deseñar, obter, analizar, controlar e producir fármacos e medicamentos, así como outros produtos e materias primas de interese sanitario de uso humano ou veterinario.
Con 02 - Avaliar os efectos terapéuticos e tóxicos de substancias con actividade farmacolóxica.
Con 03 - Saber aplicar o método científico e adquirir habilidades no manexo da lexislación, fontes de información, bibliografía, elaboración de protocolos e demais aspectos que se consideran necesarios para o deseño e avaliación crítica de ensaios preclínicos e clínicos.
Con 04 - Deseñar, preparar, fornecer e dispensar medicamentos e outros produtos de interese sanitario.
Con 05 - Prestar consello terapéutico en farmacoterapia e dietoterapia, así como no ámbito nutricional e alimentario nos establecementos nos que presten servizos.
Con 06 - Promover o uso racional dos medicamentos e produtos sanitarios, así como adquirir coñecementos básicos en xestión clínica, economía da saúde e uso eficiente dos recursos sanitarios.
Con 07 - Identificar, avaliar e valorar os problemas relacionados con fármacos e medicamentos, así como participar nas actividades de farmacovixiancia.
Con 08 - Levar a cabo as actividades de farmacia clínica e social, seguindo o ciclo de atención farmacéutica.
Con 09 - Coñecer os principios éticos e deontolóxicos segundo as disposicións lexislativas, regulamentarias e administrativas que rexen o exercicio profesional, comprendendo as implicacións éticas da saúde nun contexto social en transformación.
Con 10 - Recoñecer as propias limitacións e a necesidade de manter e actualizar a competencia profesional, prestando especial importancia á autoaprendizaxe de novos coñecementos baseándose na evidencia científica dispoñible.
Con 11. - Identificar, deseñar, obter, analizar e producir principios activos, fármacos e outros produtos e materiais de interese sanitario.
Con 12 - Coñecer as características físico-químicas das substancias utilizadas para a fabricación dos medicamentos.
Con 13. - Coñecer e comprender as características das reaccións en disolución, os diferentes estados da materia e os principios da termodinámica e a súa aplicación ás ciencias farmacéuticas.
Con 14. - Coñecer e comprender as propiedades características dos elementos e os seus compostos, así como a súa aplicación no ámbito farmacéutico.
Con 15. - Coñecer e comprender a natureza e comportamento dos grupos funcionais en moléculas orgánicas.
Con 16. - Coñecer a orixe, natureza, deseño, obtención, análise e control de medicamentos e produtos sanitarios.
Con 17. - Coñecer os principios e procedementos para a determinación analítica de compostos: técnicas analíticas aplicadas á análise de auga, alimentos e medio ambiente.
Con 18. - Coñecer e aplicar as técnicas principais de investigación estrutural incluíndo a espectroscopía.
Con 19 - Aplicar os coñecementos de Física e Matemáticas ás ciencias farmacéuticas.
Con 20. - Aplicar técnicas computacionais e de procesamento de datos, en relación con información referente a datos físicos, químicos e biolóxicos.
Con 21. - Coñecer as estruturas das biomoléculas e as súas transformacións na célula.
Con 22. - Coñecer e comprender o control microbiolóxico dos medicamentos.
Con 23. - Coñecer as propiedades das membranas celulares e a distribución de fármacos.
Con 24. - Coñecer a natureza e comportamento de axentes infecciosos.
Con 25. - Coñecer os principais rutas metabólicas que interveñen na degradación de fármacos.
Con 26. - Coñecer as plantas medicinais: diversidade botánica, fisioloxía, uso e xestión.
Con 27. - Coñecer os procesos de liberación, absorción, distribución, metabolismo e excreción de fármacos, e factores que condicionan a absorción e disposición en función das súas vías de administración.
Con 28. - Programar e corrixir a posoloxía dos medicamentos en base aos seus parámetros farmacocinéticos.
Con 29. - Coñecer as propiedades físicoquímicas e biofarmacéuticas dos principios activos e excipientes así como as posibles interaccións entre ambos.
Con 30. - Coñecer a estabilidade dos principios activos e formas farmacéuticas así como os métodos de estudo.
Con 31. - Coñecer as operacións básicas e procesos tecnolóxicos relacionados coa elaboración e control de medicamentos.
Con 32. - Determinación da biodisponibilidade, avaliación da bioequivalencia e factores que as condicionan.
Con 33. - Utilizar de forma segura os medicamentos considerando as súas propiedades físicas e químicas incluíndo calquera risco asociado ao seu uso.
Con 34. - Coñecer e comprender os fundamentos básicos das análises clínicas e as características e contidos dos ditames do diagnóstico de laboratorio.
Con 35. - Avaliar os efectos de substancias con actividade farmacolóxica.
Con 36. - Coñecer e comprender as técnicas utilizadas no deseño e avaliación dos ensaios preclínicos e clínicos.
Con 37. - Levar a cabo as actividades de farmacia clínica e social, seguindo o ciclo de atención farmacéutica.
Con 38. - Comprender a relación existente entre alimentación e saúde, e a importancia da dieta no tratamento e prevención das enfermidades.
Con 39. - Coñecer e comprender a xestión e características propias da asistencia farmacéutica nas Estruturas Asistenciais de Atención Primaria e de Atención Especializada no Sistema Sanitario.
Con 40. - Coñecer e comprender a estrutura e función do corpo humano, así como os mecanismos xerais da enfermidade, alteracións moleculares, estruturais e funcionais, expresión sindrómica e ferramentas terapéuticas para restaurar a saúde.
Con 41. - Coñecer a Natureza, mecanismo de acción e efecto dos tóxicos, así como os recursos en caso de intoxicación.
Con 42. - Coñecer as Técnicas analíticas relacionadas co diagnóstico de laboratorio, tóxicos, alimentos e medio ambiente.
Con 43. - Coñecer e comprender a xestión e características propias da asistencia farmacéutica no ámbito oficinal e da industria farmacéutica.
Con 44. - Coñecer os fundamentos da saúde pública e intervir nas actividades de promoción da saúde, prevención da enfermidade nos ámbitos individual e colectivo e contribuír á educación sanitaria, recoñecendo os determinantes de saúde na poboación, tanto os xenéticos como os dependentes do sexo e estilo de vida, demográficos, ambientais, sociais, económicos, psicolóxicos e culturais.
Con 45. - Coñecer, comprender e aplicar as condicións legais, sociais e económicas relacionadas co ámbito sanitario e en particular co medicamento.
Con 46. - Dominar técnicas de recuperación de información relativas a fontes de información primarias e secundarias (incluíndo bases de datos co uso de computador).
Con 47. - Coñecer os principios éticos e deontolóxicos e actuar segundo as disposicións lexislativas, regulamentarias e administrativas que rexen o exercicio profesional colaborando con outros profesionais da saúde e adquirindo habilidades de traballo en equipo.
Con 48. - Coñecer e aplicar técnicas de xestión en todos os aspectos das actividades farmacéuticas.
Con 49. - Coñecer os principios e a metodoloxía científica aplicada ás ciencias farmacéuticas, incluíndo a historia e función social da Farmacia.
Con 50. - Coñecementos básicos do Sistema Nacional de Saúde, da lexislación sanitaria en xeral e especificamente a relacionada cos medicamentos, produtos sanitarios e asistencia farmacéutica.
Con 51. - Coñecer as técnicas de comunicación oral e escrita adquirindo habilidades que permitan informar os usuarios dos establecementos farmacéuticos en termos inteligibles e adecuados aos diversos niveis culturais e contornas sociais.
Con 52. - Coñecer o funcionamento e xestión dun servizo de farmacia hospitalaria ou de atención primaria, incluído o persoal adscrito aos mesmos.

Farmacia Comunitaria, profesión sanitaria, docencia, investigación e industria farmacéutica.

A actividade máis coñecida e maioritaria dos egresados é a realizada na Farmacia Comunitaria, pero a titulación ten moitos máis perfís profesionais.
A profesión farmacéutica habilita de forma exclusiva en relación con outros profesionais para o exercicio da profesión sanitaria, que pode levar a cabo ben por conta propia ben por conta allea, naquelas situacións que esixe a Lei 44/2003, do 21 de novembro, de Ordenación das Profesións Sanitarias. Entre as actividades atópanse a dirección técnica de almacéns de distribución de medicamentos, os Corpos do Servizo das Administracións Públicas ou a Formulación maxistral‐farmacotecnia.
Por outra banda, aos Graduados/as en Farmacia corresponderanlles actividades profesionais que poden desenvolver en libre competencia con outros profesionais sanitarios dirixidas á produción de medicamentos, a colaboración nos procesos analíticos, funcións de ámbito asistencial, investigador, docente, de xestión clínica, de información e de educación sanitaria ou de prevención.