Iniciativa de voluntariado con menores
A Escola Infantil da USC achega a posibilidade de realizar labores de voluntariado en apoio da organización dos seus comedores e mais en actividades de lecer.
Axuda en comedores
A Escola Infantil Breogán acolle a nenas e nenos de entre tres meses e tres anos. As actividades nas que se pode incorporar o voluntariado con maior facilidade son as de acompañamento nos horarios de comedor e merenda.
As persoas que desexen participar poderán facelo todos os días da semana ou, como mínimo, en dous para ter certa continuidade no ritmo semanal, xa que as nenas e nenos da escola requiren figuras estables.
- Horario: de luns a venres, entre as 9 e as 18 h.
- Prazas: 4