Este proxecto pretende crear un espazo seguro e inclusivo no que o alumnado, profesorado e persoal administrativo poidan xogar, coñecer xente nova e compartir experiencias que fagan da facultade un lugar mellor.
O Desafío consiste nun conxunto de probas de distintos tipos nas que se pode participar individualmente ou en equipos, ofrecendo así un formato aberto e dinámico para todas as persoas interesadas. O profesorado e o persoal de administración e servizos tamén teñen un papel destacado nesta actividade, pola súa importancia na vida diaria da facultade e na construción dunha comunidade educativa cohesionada.
O obxectivo principal do Desafío é dar un novo significado ao feito de ser universitaria/o, entendendo a universidade non só como un espazo de aprendizaxe académica, senón tamén como un lugar para desenvolver competencias transversais: traballo en equipo, comunicación efectiva, empatía e cooperación. Trátase, en definitiva, de formar mellores persoas.
Ademais, o Desafío conta cun compoñente solidario, que busca conectar a comunidade universitaria coa realidade social que a rodea. A acción concreta está aínda por determinar, mais anunciarase proximamente. A intención é facer historia dentro e fóra das portas da facultade, fomentando unha actitude comprometida e consciente.
- Prazas: 18 (COMPLETO)
- Horario: 3h por semana. Esta actividade compleméntase coa propia organiza