A Universidade de Santiago de Compostela, a través do programa Interreg Volunteer Youth (IVY), ten abertas as candidaturas para colaborar co proxecto europeo Interreg POCPEP “INNOV4LIFE- Ecosistema Transfronteirizo de Innovación Colaborativa en Saúde Dixital”
O proxecto INNOV4LIFE é unha iniciativa transfronteiriza entre Galicia e a rexión Norte de Portugal que ten como obxectivo mellorar a saúde e o benestar, fomentando a investigación, a innovación e a transferencia tecnolóxica cun enfoque centrado na saúde dixital e no envellecemento.
A persoa voluntaria realizará as seguintes tarefas e actividades:
- Apoiar a difusión do proxecto (publicacións en redes sociais, boletíns, artigos breves, vídeos e contido visual)
- Colaborar na organización de eventos de networking, actividades de Living Lab e na conferencia final do proxecto
- Contribuír ás accións de contacto e relación con entidades implicadas (organizacións asistenciais, asociacións de pacientes, universidades e profesionais da saúde)
- Difundir os logros do proxecto mediante blogs, entrevistas e outras canles de comunicación, tanto para INNOV4LIFE como para a rede IVY.
Outra información:
- Apoio económico: 29 euros por día (incluídas fins de semana e festivos).
- Localización: Santiago de Compostela, España.
- Inicio e duración: marzo de 2026, por un período de 4 a 6 meses.
- Linguas requiridas: castelán (B2), portugués (A2)
- Prazo para presentar candidaturas: ata o 31/01/2026
Páxina web do Interreg Volunteer Youth: https://www.interregyouth.com/
Páxina web presentación candidaturas: https://aebr.teamtailor.com/jobs/6716401-ivy-project-partner-for-the-interreg-project-innov4life
Páxina web do proxecto INNOV4LIFE: https://www.up.pt/innov4life/es/quienes-somos